ଭୁବନେଶ୍ୱର,ପାର୍ଲାମେଣ୍ଟ ସୁରକ୍ଷାରେ ତ୍ରୁଟି। ଆଜି ସକାଳ ସାଢ଼େ ୬ଟାରେ ରାମା ନାମକ ଜଣେ ବ୍ୟକ୍ତି ସଂସଦ ଭବନ ପରିସରରେ ପ୍ରବେଶ କରିଥିବାର ଅଭିଯୋଗ ହୋଇଛି। ସେହି ବ୍ୟକ୍ତି ଜଣକ ଗଛରେ ଚଢ଼ି, ସେଇଠୁ ୨୦ ମିଟର ଉଚ୍ଚ ପାଚେରୀ ଡେଇଁ ସଂସଦ ଭବନ ପରିସରରେ ପହଞ୍ଚିଥିଲା। ରେଳ ଭବନ ପାର୍ଶ୍ୱରୁ କାନ୍ଥ ଡେଇଁ ନୂତନ ସଂସଦ ଭବନର ଗରୁଡ଼ ଫାଟକରେ ସେ ପହଞ୍ଚିଥିଲା। । ସୁରକ୍ଷା କର୍ମୀମାନେ ସେହି ଅନୁପ୍ରବେଶକାରୀଙ୍କୁ ଧରିଛନ୍ତି। ତାଙ୍କୁ ପଚରାଉଚରା କରାଯାଉଛି ବୋଲି ଅଧିକାରୀମାନେ କହିଛନ୍ତି। ଦିଲ୍ଲୀ ପୋଲିସର କହିବା ଅନୁସାରେ, ସେହି ବ୍ୟକ୍ତି ଜଣକ ମାନସିକ ଭାବେ ସୁସ୍ଥ ନୁହେଁ। ଗତ ବର୍ଷ ମଧ୍ୟ ଏପରି ସୁରକ୍ଷାରେ ତ୍ରୁଟି ହୋଇଥିଲା। 20 ବର୍ଷର ଜଣେ ବ୍ୟକ୍ତି ସଂସଦ କାନ୍ଥ ଡେଇଁ ସଂସଦ ଭବନ କୋଠା ପରିସର ଭିତରକୁ ଡେଇଁ ପଡ଼ିଥିଲା। ସଶସ୍ତ୍ର ସି.ଆଇ.ଏସ.ଏଫ ଯବାନମାନେ ତାଙ୍କୁ କାବୁ କରିଥିଲେ।
