ଭୁବନେଶ୍ୱର,ସାତ ବର୍ଷ ପରେ ଆମେରିକାର ସଂଘୀୟ ସରକାର ପୁଣି ଥରେ ବନ୍ଦ ହେବାର ସମ୍ମୁଖୀନ ହେଉଛି। ଏକ ଆର୍ଥିକ ବିଲ୍ ଉପରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏବଂ କଂଗ୍ରେସ ମଧ୍ୟରେ ସହମତି ଅଭାବରୁ ସରକାରୀ କାର୍ଯ୍ୟ ଠପ୍ ହୋଇଯାଇଛି। ୯୦ ହଜାର କର୍ମଚାରୀଙ୍କୁ ଛଟେଇ କରାଯିବାର ଆଶଙ୍କା ମଧ୍ୟ ବୃଦ୍ଧି ପାଇଛି।
ଯଦିଓ ପ୍ରତ୍ୟେକ ବନ୍ଦ ଯୋଗୁଁ କିଛି ଗୁରୁତ୍ୱପୂର୍ଣ୍ଣ ସରକାରୀ ସେବା ଚାଲୁ ରହିଥାଏ, ଯାହା ସାଧାରଣ ଜୀବନ ଏବଂ ସୁରକ୍ଷା ପାଇଁ ଅତ୍ୟାବଶ୍ୟକ।ଇତିହାସର ସବୁଠାରୁ ଲମ୍ବା ସଟଡାଉନ୍ ଡିସେମ୍ବର ୨୨, ୨୦୧୮ ରୁ ଜାନୁଆରୀ ୨୫, ୨୦୧୯ ପର୍ଯ୍ୟନ୍ତ ଚାଲିଥିଲା, ମୋଟ ୩୫ ଦିନ।ଆମେରିକାରେ ସରକାରୀ ବନ୍ଦ ଲାଗୁ ହୋଇଛି, ଯାହା ସରକାରୀ କାର୍ଯ୍ୟକୁ ସମ୍ପୂର୍ଣ୍ଣ ସ୍ଥଗିତ ରଖିଛି। ଏହା ୨୦୧୯ ପରେ ପ୍ରଥମ ସରକାରୀ ବନ୍ଦ। ୨୦୧୯ ସଟଡାଉନ୍ ସବୁଠାରୁ ଦୀର୍ଘ, ୩୫ ଦିନ ଧରି ଚାଲିଥିଲା।
ଡେମୋକ୍ରାଟମାନେ ମେଡିକେଡ୍ କଟକଣାକୁ ପ୍ରତ୍ୟାହାର କରିବାକୁ ଏବଂ ସ୍ୱାସ୍ଥ୍ୟ ବୀମା ପ୍ରିମିୟମ ଉପରେ ଟିକସ କ୍ରେଡିଟ୍ ବୃଦ୍ଧି କରିବାକୁ ଚାହାଁନ୍ତି। କିନ୍ତୁ ରିପବ୍ଲିକାନମାନେ ଏଥିରେ ଅସହମତ।
ଏହି ପରିସ୍ଥିତି ଆମେରିକାକୁ ସାତ ବର୍ଷ ପଛକୁ ନେଇଯାଏ, ଯେତେବେଳେ ଟ୍ରମ୍ପଙ୍କ ପ୍ରଥମ କାର୍ଯ୍ୟକାଳରେ ସରକାର ୩୫ ଦିନ ପାଇଁ ସଟଡାଉନ୍ ହୋଇଯାଇଥିଲା।
