ଭୁବନେଶ୍ୱର,ବର୍ଷା କିମ୍ବା ଆର୍ଦ୍ର ପାଗ ସବୁବେଳେ ସମସ୍ୟା ସୃଷ୍ଟି କରେ । ଏହି ଋତୁରେ ପ୍ରାୟତଃ ରୋଷେଇ ଘରେ ଥିବା ଖାଦ୍ୟ ଶସ୍ୟରେ ପୋକ ଲାଗିଯାଇଥାଏ ।ବିଶେଷକରି, ଚାଉଳରେ । ଚାଉଳରେ ଏହି ପୋକ ଥରେ ଲାଗିଲେ ସହଜରେ ବାହାରେ ନାହିଁ । ଏହା କେବଳ ଚାଉଳକୁ ନଷ୍ଟ କରିନଥାଏ ବରଂ ଚାଉଳର ସୁଗନ୍ଧ ଏବଂ ସ୍ୱାଦକୁ ମଧ୍ୟ ନଷ୍ଟ କରିଦିଏ ।
ଏପରି ପରିସ୍ଥିତିରେ, ଚାଉଳକୁ ଦୀର୍ଘ ସମୟ ପାଇଁ ସଂରକ୍ଷଣ କରି ରଖିବାକୁ କିଛି ସରଳ ଘରୋଇ ଉପଚାର ଗ୍ରହଣ କରିବା ଗୁରୁତ୍ୱପୂର୍ଣ୍ଣ। ସଠିକ ଉପାୟରେ ସଂରକ୍ଷଣ କରିପାରିଲେ ଚାଉଳ ମାସ ମାସ ପର୍ଯ୍ୟନ୍ତ ଭଲ ଏବଂ କୀଟମୁକ୍ତ ରହିପାରିବ । ନିମ୍ବ ପତ୍ର, ତେଜପତ୍ର ଏବଂ ଲୁଣ ଭଳି କିଛି ରୋଷେଇ ଘରେ ସହଜରେ ମିଳିଯାଉଥିବା ସାମଗ୍ରୀରେ ହିଁ ଆପଣମାନେ ଏହି କିଟ ମାନଙ୍କୁ ସହଜରେ ହଟେଇପାରିବେ ।
ରୋଷେଇ ଘରେ ଥିବା ଚାଉଳକୁ ପୋକ ଲାଗିବାରୁ ରୋକିବା ପାଇଁ ଅନେକ ପ୍ରଭାବଶାଳୀ ଘରୋଇ ଉପଚାର ଅଛି। ନିମ୍ବ ପତ୍ରକୁ ସବୁଠାରୁ ପ୍ରଭାବଶାଳୀ ବିବେଚନା କରାଯାଏ। ଚାଉଳରେ ପୋକ ଲାଗିବାରୁ ମୁକ୍ତି ଦେବା ପାଇଁ ପନ ଯେଉଁଥିରେ ଚାଉଳ ରଖୁଛନ୍ତି ସେଥିରେ କିଛି ନିମ୍ବ ପତ୍ର ମିଶାନ୍ତୁ।
ଆପଣ ଚାହିଁଲେ ତେଜପତ୍ର ମଧ୍ୟ ବ୍ୟବହାର କରାଯାଇପାରିବେ, କାରଣ ଏହା ମଧ୍ୟ ସମାନ ଭାବରେ କାମ କରେ। କାରଣ ଏଥିରେ ଥିବା ପ୍ରାକୃତିକ ତେଲର ବାସ୍ନା କୀଟପତଙ୍ଗ ଏବଂ ପୋକମାନଙ୍କୁ ଦୂରେଇ ରଖେ। ଏହା ସହିତ, ଏକ ଛୋଟ କପଡ଼ାରେ ଅଳ୍ପ ଲୁଣ ବାନ୍ଧି ଚାଉଳ ପାତ୍ରରେ ରଖିବା ଦ୍ୱାରା ଆର୍ଦ୍ରତା ନିୟନ୍ତ୍ରଣରେ ସାହାଯ୍ୟ ହୁଏ ।
