ଭୁବନେଶ୍ୱର , ଶ୍ରେୟସ ଆୟର ଅକ୍ଟୋବର ୨୫ ତାରିଖରୁ ହସ୍ପିଟାଲରେ ଭର୍ତ୍ତି ଅଛନ୍ତି। ମ୍ୟାଚ୍ ସମୟରେ ତାଙ୍କ ଆଘାତର ଗମ୍ଭୀରତା ଜଣାପଡିଥିଲା ଏବଂ ଡାକ୍ତରୀ ଦଳ ତୁରନ୍ତ ତାଙ୍କୁ ହସ୍ପିଟାଲରେ ଭର୍ତ୍ତି କରିବାକୁ ନିଷ୍ପତ୍ତି ନେଇଥିଲେ।ଶ୍ରେୟସ ଆୟର ଆଘାତ ଯୋଗୁଁ ଅଷ୍ଟ୍ରେଲିଆରେ ଚିକିତ୍ସାଧୀନ ଅଛନ୍ତି।
ସିଡନୀ କ୍ରିକେଟ ଗ୍ରାଉଣ୍ଡରେ ତୃତୀୟ ODI ମ୍ୟାଚ୍ ସମୟରେ, ଆୟର ଅଷ୍ଟ୍ରେଲୀୟ ୱିକେଟକିପର ଆଲେକ୍ସ କ୍ୟାରିଙ୍କୁ କ୍ୟାଚ୍ କରିବାକୁ ଚେଷ୍ଟା କରୁଥିବା ସମୟରେ ପଡ଼ି ଯାଇଥିଲେ।ଯେଉଁଥିରେ ତାଙ୍କ ପଞ୍ଜରାରେ ଆଘାତ ଲାଗିଥିଲା ଏବଂ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା। ଇଣ୍ଟରନାଲ ବ୍ଲିଡିଂ ବନ୍ଦ ନହେବାରୁ ତାଙ୍କୁ ICUରେ ଭର୍ତ୍ତି କରାଯାଇଥିଲା।ହେଲେ ଏବେ ଶ୍ରେୟସ ଆୟରଙ୍କୁ ନେଇ କିଛି ଭଲ ଖବର ଆସିଛି, ତାଙ୍କୁ ହସ୍ପିଟାଲରୁ ଡିସଚାର୍ଜ କରାଯାଇଛି। ବିସିସିଆଇ ଆୟରଙ୍କ ବିଷୟରେ ଏକ ପ୍ରମୁଖ ସୂଚନା ପ୍ରଦାନ କରିଛି।
, “ବିସିସିଆଇ ସିଡନୀରେ ଡାକ୍ତର କୌରୁଶ ହାଘିଘି ଏବଂ ତାଙ୍କ ଦଳ ଏବଂ ଭାରତରେ ଡାକ୍ତର ଦିନଶା ପାରଦିୱାଲାଙ୍କ ପ୍ରତି ହୃଦୟର ସହିତ କୃତଜ୍ଞତା ପ୍ରକାଶ କରୁଛି, ଯେଉଁମାନେ ଶ୍ରେୟସଙ୍କୁ ତାଙ୍କ ଆଘାତ ପାଇଁ ସର୍ବୋତ୍ତମ ଚିକିତ୍ସା ପ୍ରଦାନ କରିଥିଲେ।”“ଶ୍ରେୟସ ଅଧିକ ପରାମର୍ଶ ପାଇଁ ସିଡନୀରେ ରହିବେ ଏବଂ ଉଡ଼ାଣ ପାଇଁ ଫିଟ୍ ହେଲେ ଭାରତ ଫେରିବେ।” ଏହାର ଅର୍ଥ ହେଉଛି ଆୟର ଆଗାମୀ କିଛି ଦିନ ପାଇଁ ଅଷ୍ଟ୍ରେଲିଆରେ ରହିବେ। ସେ ସମ୍ପୂର୍ଣ୍ଣ ଫିଟ୍ ହେବା ପରେ ହିଁ ଭାରତ ଫେରିବେ।”
