ନୂଆଦିଲ୍ଲୀ,୨୬/୦୨/୨୦୨୬ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦୁଇ ଦିନିଆ ଗସ୍ତରେ ଇସ୍ରାଏଲରେ ପହଞ୍ଚିଛନ୍ତି। ବେଞ୍ଜାମିନ୍ ନେତାନ୍ୟାହୁ ତାଙ୍କୁ ଆଲିଙ୍ଗନ କରି ବିମାନବନ୍ଦରରେ ଭବ୍ୟ ସ୍ୱାଗତ କରିଛନ୍ତି। ପ୍ରଧାନମନ୍ତ୍ରୀ ମୋଦିଙ୍କୁ ଗାର୍ଡ ଅଫ୍ ଅନର ମଧ୍ୟ ଦିଆଯାଇଛି। ଏହା ନଅ ବର୍ଷ ମଧ୍ୟରେ ପ୍ରଧାନମନ୍ତ୍ରୀ ମୋଦୀଙ୍କ ଦ୍ୱିତୀୟ ଇସ୍ରାଏଲ ଗସ୍ତ।
ଇସ୍ରାଏଲରେ ପହଞ୍ଚିବା ପରେ ପ୍ରଧାନମନ୍ତ୍ରୀ X ରେ ପୋଷ୍ଟ କରି ଲେଖିଛନ୍ତି ଯେ, “ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁଙ୍କ ଦ୍ୱାରା ବିମାନବନ୍ଦରରେ ଦିଆଯାଇଥିବା ସ୍ୱାଗତ ପାଇଁ ମୁଁ ସମ୍ମାନିତ ଅନୁଭବ କରୁଛି। ମୁଁ ଦ୍ୱିପାକ୍ଷିକ ଆଲୋଚନା ଏବଂ ଭାରତ-ଇସ୍ରାଏଲ ବନ୍ଧୁତାକୁ ମଜବୁତ କରିବାରେ ସକାରାତ୍ମକ ଫଳାଫଳ ଆଶା କରୁଛି।” ପ୍ରଧାନମନ୍ତ୍ରୀ ଆଜି ସକାଳେ ଇସ୍ରାଏଲ ଅଭିମୁଖେ ଯାତ୍ରା କରିଥିଲେ ଏବଂ ଅପରାହ୍ନ ପ୍ରାୟ ୪:୩୦ ସମୟରେ ତେଲ ଅଭିଭରେ ପହଞ୍ଚିଥିଲେ, ଯେଉଁଠାରେ ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁ ତାଙ୍କୁ ଭବ୍ୟ ସ୍ୱାଗତ କରିଥିଲେ।
