ଭୁବନେଶ୍ୱର , ୨୦୨୬ ଟି୨୦ ବିଶ୍ୱକପ୍ ଫାଇନାଲରେ ବିଜୟୀ ହେବା ପରେ, ଭାରତୀୟ ଦଳର ଅଧିନାୟକ ସୂର୍ଯ୍ୟକୁମାର ଯାଦବ ଏକ ସାମ୍ବାଦିକ ସମ୍ମିଳନୀରେ ଅବସର ବିଷୟରେ ପ୍ରଶ୍ନର ହାସ୍ୟରସପୂର୍ଣ୍ଣ ଉତ୍ତର ଦେଇଥିଲେ।ମ୍ୟାଚ୍ ପରବର୍ତ୍ତୀ ସାମ୍ବାଦିକ ସମ୍ମିଳନୀରେ ମୁଖ୍ୟ ପ୍ରଶିକ୍ଷକ ଗୌତମ ଗମ୍ଭୀରଙ୍କ ସହିତ ଉପସ୍ଥିତ ସୂର୍ଯ୍ୟ କହିଥିଲେ, “ଯେତେବେଳେ ସବୁକିଛି ଏତେ ଭଲ ଚାଲିଛି, ତେବେ ଅବସର ବିଷୟରେ କାହିଁକି ଚିନ୍ତା କରିବେ?” ସେ ସ୍ପଷ୍ଟ କରିଥିଲେ ଯେ ସେ କୌଣସି ସ୍ଥାନକୁ ଯିବେ ନାହିଁ ଏବଂ ଏପର୍ଯ୍ୟନ୍ତ ପ୍ରଚୁର ସମୟ ବାକି ଅଛି।ସୂର୍ଯ୍ୟକୁମାର ଯାଦବଙ୍କ ନାମ ଏବେ ଭାରତକୁ ICC ଟୁର୍ଣ୍ଣାମେଣ୍ଟ ବିଜୟୀ କରାଇଥିବା ବ୍ୟକ୍ତିଙ୍କ ତାଲିକାରେ ସାମିଲ ହୋଇଛି। ସୂର୍ଯ୍ୟଙ୍କ ଅଧିନାୟକତ୍ୱରେ, ଟିମ୍ ଇଣ୍ଡିଆ ଅସାଧାରଣ ଭାବରେ ଭଲ ପ୍ରଦର୍ଶନ କରି ଅହମ୍ମଦାବାଦରେ ନ୍ୟୁଜିଲ୍ୟାଣ୍ଡକୁ ପରାସ୍ତ କରି,୨୦୨୬ ଟି-୨୦ ବିଶ୍ୱକପ୍ ଜିତିଥିଲା।ଟୁର୍ଣ୍ଣାମେଣ୍ଟ ଆରମ୍ଭ ହେବା ପରଠାରୁ କଳ୍ପନାଜଳ୍ପନା ଜୋର ଧରିଥିଲା ଯେ ୩୫ ବର୍ଷୀୟ ସୂର୍ଯ୍ୟକୁମାର ଯାଦବ ଟୁର୍ଣ୍ଣାମେଣ୍ଟ ପରେ ଅନ୍ତର୍ଜାତୀୟ କ୍ରିକେଟରୁ ଅବସର ନେବେ। ଏବେ, ସେ ନିଜେ ଏହି ଗୁପ୍ତ କଥା ପ୍ରକାଶ କରିଛନ୍ତି। ଯେ ସୂର୍ଯ୍ୟ ଅତି କମରେ ଆଉ ଦୁଇ ବର୍ଷ ପାଇଁ ଅନ୍ତର୍ଜାତୀୟ କ୍ରିକେଟ୍ ଖେଳିବାକୁ ଚାହାଁନ୍ତି, କାରଣ T୨୦ ବିଶ୍ୱକପ୍ ର ପରବର୍ତ୍ତୀ ସଂସ୍କରଣ ୨୦୨୮ ମସିହାରେ, ଅଷ୍ଟ୍ରେଲିଆ ଏବଂ ନ୍ୟୁଜିଲ୍ୟାଣ୍ଡରେ ଖେଳାଯିବ।
