ଭୁବନେଶ୍ୱର ,ଗତ ବର୍ଷର ଜେନ-ଜେଡ୍ ଆନ୍ଦୋଳନ ପରେ ନେପାଳରେ, ଏହା ପ୍ରଥମ ସାଧାରଣ ନିର୍ବାଚନ। ଏହି ପ୍ରତିବାଦଗୁଡ଼ିକ ତତ୍କାଳୀନ ପ୍ରଧାନମନ୍ତ୍ରୀ କେପି ଶର୍ମା ଓଲିଙ୍କୁ ଇସ୍ତଫା ଦେବାକୁ ଏବଂ ସଂସଦ ଭାଙ୍ଗିବାକୁ ବାଧ୍ୟ କରିଥିଲା। ଗୁରୁବାର ୧୬୫ ସଂସଦୀୟ ଆସନ ପାଇଁ ଭୋଟ୍ ହୋଇଥିଲା, ଯେଉଁଥିରେ ବାଲେନ ଶାହଙ୍କ ଆରଏସପି ଏବଂ କେପି ଶର୍ମା ଓଲିଙ୍କ ସିପିଏମ-ୟୁଏମଏଲ ସମେତ ୬୭ ରାଜନୈତିକ ଦଳର, ପ୍ରାର୍ଥୀ ପ୍ରତିଦ୍ୱନ୍ଦ୍ୱିତା କରିଥିଲେ।ବର୍ତ୍ତମାନର ଧାରା ଅନୁଯାୟୀ, ବାଲେନ ଶାହଙ୍କ ଆରଏସପି ଛଅଟି ଆସନ ଜିତିଛି ଏବଂ ୧୧୦ରୁ ଅଧିକ ଆସନରେ ଆଗୁଆ ଅଛି। ଓଲିଙ୍କ ସିପିଏନ-ୟୁଏମଏଲ ସାତଟି ଆସନରେ ଆଗୁଆ ଅଛି, ଯେତେବେଳେ ନେପାଳୀ କଂଗ୍ରେସ ମାତ୍ର ଗୋଟିଏ ଆସନରେ ଜିତିଛି ଏବଂ ୧୦ଟି ଆସନରେ ଆଗୁଆ ଅଛି। ଝାପା-୫ ନିର୍ବାଚନମଣ୍ଡଳୀରେ, ବାଲେନ ଶାହ ନିଜେ, ପୂର୍ବତନ ପ୍ରଧାନମନ୍ତ୍ରୀ କେପି ଶର୍ମା ଓଲିଙ୍କୁ ଏକ ବଡ଼ ବ୍ୟବଧାନରେ ପଛରେ ପକାଇଥିବା ଜଣାପଡ଼ିଛି।ନେପାଳର ସଂସଦୀୟ ନିର୍ବାଚନରେ ଯୁବଶକ୍ତି ତାକତ ଦେଖିବାକୁ ମିଳୁଛି। କାଠମାଣ୍ଡୁର ପୂର୍ବତନ ମେୟର, ରାପର୍ରୁ ରାଜନେତା ପାଲଟିଥିବା ବାଲେନ୍ ଶାହ ନେପାଳ ନିର୍ବାଚନରେ ଏକ ବଡ଼ ଲିଡ୍ ସହିତ ନୂତନ ଦଳ, ରାଷ୍ଟ୍ରୀୟ ସ୍ୱତନ୍ତ୍ର ପାର୍ଟି (RSP)ର ନେତୃତ୍ୱ ନେଉଛନ୍ତି। ନିର୍ବାଚନ କମିଶନଙ୍କ ତଥ୍ୟ ଅନୁଯାୟୀ, RSP ଏପର୍ଯ୍ୟନ୍ତ ଭୋଟ ଗଣତିରେ, ଛଅଟି ଆସନ ଜିତିଛି ଏବଂ 110 ରୁ ଅଧିକ ଆସନରେ ଆଗୁଆ ଅଛି। ଏହା 35 ବର୍ଷୀୟ ବାଲେନ୍ ଶାହଙ୍କୁ ନେପାଳର ପରବର୍ତ୍ତୀ ପ୍ରଧାନମନ୍ତ୍ରୀ ହେବାର ସବୁଠାରୁ ଦୃଢ଼ ଦାବିଦାର କରିଥାଏ।
