ପୁରୀ() ପୁରୀରେ ପହଁଚି ସିଂହଦ୍ୱାର ଠାରେ ପତିତପାବନଙ୍କୁ ଦର୍ଶନ କଲେ ସ୍ପେନିୟ ମହିଳା ହକି ଟିମ। ଟିମ ରେ ରହିଛନ୍ତି 17 ଜଣ ମହିଳା ଖେଳାଳି ଙ୍କ ସମେତ ଜଣେ ଅଫିସିଆଲ କର୍ମକର୍ତ୍ତା ।
ଶ୍ରୀମନ୍ଦିର ପ୍ରଶାସନ କାର୍ଯ୍ୟାଳୟ ଠାରେ ପହଞ୍ଚିବା ପରେ ସିଂହଦ୍ୱାର ଥାନା ଅଧିକାରୀ ସୁନୀଲ ପ୍ରଧାନ ଓ ଶ୍ରୀମନ୍ଦିର ପ୍ରଶାସନିକ ଅଧିକାରୀ ଟିମକୁ ସ୍ୱାଗତ କରିବା ସହ ସିଂହଦ୍ୱାର ବ୍ୟାରିକେଡ ଦେଇ ପ୍ରବେଶ କରି ଅରୁନସ୍ଥମ୍ଭ ନିକଟରେ ପତିତପାବନ ଙ୍କୁ ଦର୍ଶନ କରିଥିଲେ ।
ସେଠାରେ ଫୋଟୋ ସେସନ କରିବା ସହ ସ୍ୱତନ୍ତ୍ର ଦର୍ଶନ ବ୍ୟବସ୍ଥା କରାଯାଇଥିବାରୁ ଖୁସି ବ୍ୟକ୍ତ କରିଥିଲେ ସମସ୍ତ 17 ଜଣ ଖେଳାଳି ।ପରେ ବେଳଭୂମି ଯାଇ ବ୍ଲୁ ଫ୍ଲାଗ ବିଚ ବୁଲିବା ସହ ବେଳଭୂମି ରେ ସମୁଦ୍ର ସ୍ନାନ କରିଥିଲେ ।
ଭୁବନେଶ୍ୱର ରେ ଚାଲିଥିବା FIH ଲିଗ ରେ ଖେଳିବା ପାଇଁ ସ୍ପେନ ର ଜୁନିଅର ମହିଳା ହକି ଦଳ ଭୁବନେଶ୍ୱର ରେ ରହିଛନ୍ତି ।ଏହି ଅବସରରେ ପୁରୀ ଆସି ବୁଲିବା ପରେ ଟିମ ର ମନୋବଳ ଦୃଢ଼ ରହିଥିବା କଥା କହିଛନ୍ତି ଟିମ ସହ ଆସିଥିବା ଟିମ ମ୍ୟାନେଜର ।
