ଅନ୍ୟାନ୍ୟ
କୋଲକାତା ହାଇକୋର୍ଟଙ୍କ ନିଷ୍ପତ୍ତି: ବୀରଭୂମ ହିଂସାର ଯାଞ୍ଚ କରିବ ସିବିଆଇ, ଏପ୍ରିଲ ୭ସୁଦ୍ଧା ରିପୋର୍ଟ ଦାଖଲ ନିର୍ଦ୍ଦେଶ
ପଶ୍ଚିମବଙ୍ଗ() ବୀରଭୂମି ହିଂସା ଘଟଣାର ତଦନ୍ତ କରିବ ସିବିଆଇ । କେନ୍ଦ୍ରୀୟ ଅନୁସନ୍ଧାନ ବ୍ୟୁରୋ (ସିବିଆଇ) କୁ ହସ୍ତାନ୍ତର କରାଯାଇଛି ମାମଲା । କଲିକତା ହାଇକୋର୍ଟ ଶୁକ୍ରବାର ଦିନ ଏହି ମାମଲାର ଶୁଣାଣି ବେଳେ ରାଜ୍ୟ ସରକାରଙ୍କ ଦାବିକୁ ପ୍ରତ୍ୟାଖ୍ୟାନ କରିଛନ୍ତି । ଯେଉଁଥିରେ ପଶ୍ଚିମବଙ୍ଗ ପୋଲିସ ମାମଲାର ତଦନ୍ତି କରିବ ବୋଲି କୁହାଯାଇଥିଲା ।
କୋର୍ଟ ବଙ୍ଗଳା ଆଡଭୋକେଟ୍ ଜେନେରାଲ୍ (ଏଜି) କୁ କୋର୍ଟ କହିଛନ୍ତି ଯେ ଆମର ଆଦେଶ ବନ୍ଦ କରିବା ପଛରେ ଆମେ କୌଣସି କାରଣ ନାହିଁ । ସେଥାପାଇଁ ଆପଣଙ୍କ ଦାବିକୁ ଖାରଜ କରାଯାଇଛି । ଏହା ସହିତ କୋର୍ଟ ସିବିଆଇକୁ ଏପ୍ରିଲ ୭ସୁଦ୍ଧା ମାମଲାର ତଦନ୍ତ ରିପୋର୍ଟ ଦାଖଲ କରିବାକୁ ନିର୍ଦ୍ଦେଶ ଦେଇଛନ୍ତି ।
ପଶ୍ଚିମବଙ୍ଗର ବୀରଭୂମି ଜିଲ୍ଲାର ତ୍ରୁଣମୂଳ କଂଗ୍ରେସର ଜଣେ ପଞ୍ଚାୟତ ଅଧିକାରୀଙ୍କ ହତ୍ୟାକୁ ବିରୋଧ କରି ମଙ୍ଗଳବାର ସକାଳେ ବଗଟୁଇ ଗ୍ରାମରେ ପ୍ରାୟ ଏକ ଡଜନ ଘରେ ନିଆଁ ଲଗାଯାଇଥିଲା। ଏଥିରେ ଦୁଇ ଶିଶୁଙ୍କ ସମେତ ଆଠ ଜଣଙ୍କର ମୃତ୍ୟୁ ହୋଇଥିଲା । ସେହି ପରିପ୍ରେକ୍ଷୀରେ କେନ୍ଦ୍ରୀୟ ଅନୁସନ୍ଧାନ ବ୍ୟୁରୋ (ସିବିଆଇ) କିମ୍ବା ନ୍ୟାସନାଲ ଇନଭେଷ୍ଟିଗେସନ୍ ଏଜେନ୍ସି (ଏନଆଇଏ) ର ତଦନ୍ତ ପାଇଁ ଏକ ଜନସ୍ୱାର୍ଥ ମାମଲା ଦାୟର କରାଯାଇଥିଲା ।
ଏହା ବ୍ୟତୀତ ଅଦାଲତ ମଧ୍ୟ ଏହି ମାମଲାର ଅବଗତ ହୋଇଥିଲେ । ଗୁରୁବାର ଦିନ ଏହି ମାମଲାର ଶୁଣାଣି ପରେ କୋର୍ଟ ଏହି ନିଷ୍ପତ୍ତି ସଂରକ୍ଷଣ କରିଛନ୍ତି.
