ନୂଆଦିଲ୍ଲୀ: ଅଗ୍ନିପଥକୁ ନେଇ ଆକ୍ରୋଶ ଜାରି । କେନ୍ଦ୍ର ବିରୋଧରେ ଦେଶବ୍ୟାପୀ ଜଳୁଛି ଅସନ୍ତୋଷର ନିଆଁ । ଅଗ୍ନିପଥ ସ୍କିମକୁ ନେଇ ଆଜି ସକାଳୁ ଉତ୍ତରପ୍ରଦେଶ, ବିହାର ଆଦି ରାଜ୍ୟରେ ପୁଣି ବିକ୍ଷୋଭ ଆରମ୍ଭ ହୋଇଛି । ଉତ୍ତରପ୍ରଦେଶର ବାଲିଆ ରେଳ ଷ୍ଟେସନରେ ବିକ୍ଷୋଭକାରୀମାନେ ବ୍ୟାପକ ଭଙ୍ଗାରୁଜା କରିଛନ୍ତି । ଆରା ଷ୍ଟେସନରେ ବି ଭଙ୍ଗାରୁଜା ହୋଇଥିବା ବେଳେ ପୋଲିସ ୧୬ ଜଣଙ୍କୁ ଗିରଫ କରିଛି ।
ଏହା ସହ ୬୫୦ରୁ ଊର୍ଦ୍ଧ୍ୱ ଅଜଣା ଲୋକଙ୍କ ନାଁରେ ମାମଲା ରୁଜୁ ହୋଇଛି । ମଧ୍ୟପ୍ରଦେଶ, ହରିୟାଣା, ରାଜସ୍ଥାନର କିଛି ଜିଲ୍ଲାରେ ମଧ୍ୟ ବିକ୍ଷୋଭ ଜୋରଦାର ହେଉଛି । ବିକ୍ଷୋଭକାରୀମାନେ ବିଶେଷ କରି ରେଲଓ୍ୱେ ଷ୍ଟେସନ ଓ ରେଲଓ୍ୱେ ଟ୍ରାକ ଉପରେ ଆନ୍ଦୋଳନ କରୁଥିବାରୁ ଦେଶବ୍ୟାପୀ ଅନେକ ଟ୍ରେନ ଚଳାଚଳ ବାଧାପ୍ରାପ୍ତ ହୋଇଛି ।
