ମୁମ୍ବାଇ: ବଲିଉଡ୍ର ଜଣାଶୁଣା ଅଭିନେତ୍ରୀ ଅନୁଷ୍କା ଶର୍ମା। ସେ ତାଙ୍କ ଆକର୍ଷଣୀୟ ଲୁକ୍ ଓ ଅଭିନୟ ପାଇଁ ଚର୍ଚ୍ଚାରେ ଥାଆନ୍ତି। ଦୀର୍ଘ ବର୍ଷ ପରେ ଏବେ ବଡ ପରଦାକୁ ଫେରୁଛନ୍ତି । ଏହି ସମୟରେ ତାଙ୍କ ଆଗାମୀ ଫିଲ୍ମ ଚକଦା ଏକ୍ସପ୍ରେସ୍ ପାଇଁ ବ୍ୟସ୍ତ ଅଛନ୍ତି । ହେଲେ ନିକଟରେ ସେ ମାଲଦ୍ୱୀପ ବିରାଟ୍ ଝିଅ ଭାମିକା ସହ ଛୁଟି କାଟିବାକୁ ଯାଇଥିଲେ । ଏହି ସମୟରେ ଅନୁଷ୍କା ତାଙ୍କର ବୋଲ୍ଡ ଏବଂ ଗ୍ଲାମରସ୍ର ଫଟୋ ସୋସିଆଲ୍ ମିଡିଆରେ ସେୟାର କରିଥିଲେ । ଯାହା ଇନଣ୍ଟରନେଟ୍ରେ ନିଆଁ ଲଗାଇଥିଲା । ଏବେ ଅନୁଷ୍କା ପୁଣି ଥରେ ତାଙ୍କ ଛୁଟି ଦିନର ଆଉ ଝଲକ ସେୟାର କରିଛନ୍ତି । ତାଙ୍କ ଫ୍ୟାନ୍ସମାନେ ଦେଖି ଖୁସି ହୋଇଯାଇଛନ୍ତି।
View this post on Instagram
ବାସ୍ତବରେ ଅନୁଷ୍କା-ବିରାଟ ଏବଂ ଭାମିକା ଛୁଟି କାଟି ଘରକୁ ଫେରିଛନ୍ତି । ଏହାର କିଛି ଥ୍ରୋ-ବ୍ୟାକ୍ ଭିଡିଓ ଅଭିନେତ୍ରୀ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ସେୟାର କରିଛନ୍ତି। ଯେଉଁଥିରେ ସେ ସାଇକେଲ ଚଳାଇବାର ମଜା ନେଉଛନ୍ତି । ସବୁଠାରୁ ବଡ କଥା ହେଉଛି ଏହି ଭିଡିଓରେ ତାଙ୍କ ଝିଅ ଭାମିକା ମଧ୍ୟ ତାଙ୍କ ସହ ସାଇକେଲ୍ରେ ନଜର ଆସିଛି । ଦୁହେଁ ସାଇକେଲ୍ ରାଇଡ୍ର ମଜା ଉଠାଉଛନ୍ତି । ଏହି ସୁନ୍ଦର ଭିଡିଓ ସେୟାର କରି ଅନୁଷ୍କା ଏକ ମଜାଦାର କ୍ୟାପସନ୍ ମଧ୍ୟ ଲେଖିଛନ୍ତି, ମୋର ଦୁଇ ପ୍ରିୟଙ୍କ ସହିତ ବେଷ୍ଟ ମେମୋରି । ବହୁତ ମନେ ପଡୁଛି…
View this post on Instagram
କହିବାକୁ ଗଲେ ଅନୁଷ୍କାଙ୍କୁ ଶାହରୁଖ ଖାନ ଏବଂ କ୍ୟାଟ୍ରିନା କୈଫ୍ଙ୍କ ସହିତ ୨୦୧୮ ମସିହାରେ ଫିଲ୍ମ ‘ଜିରୋ’ରେ ଦେଖିବାକୁ ମିଳିଥିଲା । ବର୍ତ୍ତମାନ ସେ ଖୁବ ଶୀଘ୍ର ଝୁଲଣ ଗୋସ୍ୱାମୀଙ୍କ ବାୟୋପିକ୍ ଚକଦା ଏକ୍ସପ୍ରେସ୍ ରେ ନଜର ଆସିବେ । ଏଥିପାଇଁ ଅନୁଷ୍କା ଖୁବ୍ କଠିନ ପରିଶ୍ରମ କରୁଛନ୍ତି । ଏହା ବ୍ୟତୀତ ତାଙ୍କ ସ୍ୱାମୀ ବିରାଟଙ୍କ ଠାରୁ ମଧ୍ୟ କ୍ରିକେଟ୍ ବିଷୟରେ ତାଲିମ ନେଉଥିବାର ଦେଖିବାକୁ ମିଳିଛି ।
