ଭୁବନେଶ୍ୱର, ୨୮/୦୭/୨୦୨୨ – ଚେନ୍ନାଇରୁ ଫେରିବା ପରେ ପ୍ରଥମ ଥର ସାମ୍ନାକୁ ଆସିଛନ୍ତି ବାବୁସାନ୍ । ଗୁରୁବାର ସେ ତାଙ୍କ ଘର ବାଲକୋନୀକୁ ଆସି ଗଣମାଧ୍ୟମକୁ ଭେଟିଛନ୍ତି । ଯଦିଓ ସେ କୌଣସି ପ୍ରତିକ୍ରିୟା ଦେଇନାହାନ୍ତି, ତେବେ ଏତିକି କହିଛନ୍ତି ଯେ -ଠିକ୍ ସମୟରେ ଠିକ୍ ଜିନିଷ କହିବେ ।
ବାବୁସାନଙ୍କ ସହ ତାଙ୍କ ମାଆ ଅପରାଜିତା ମଧ୍ୟ ରହିଥିଲେ । ଦେହ ଭଲ ନଥିବାରୁ ଦୁହେଁ ଘରେ ରହିବେ ବୋଲି କହିଥିଲେ ଅପରାଜିତା । ପତ୍ନୀ ତୃପ୍ତିଙ୍କ ଅଭିଯୋଗକୁ ଆଧାର କରି ପୁଲିସ ତାଙ୍କ ବିରୋଧରେ ଆଇପିସି ୪୯୮(ଏ) ଓ ୫୦୬ ଦଫା ଲଗାଇ ମାମଲା ରୁଜୁ କରିଥିବାବେଳେ ବୁଧବାର ବାବୁସାନ ହାଇକୋର୍ଟରେ ଆଗୁଆ ଜାମିନ ଆବେଦନ କରିଛନ୍ତି ।
ସେପଟେ ବାବୁସାନ୍, ତୃପ୍ତି ଓ ପ୍ରକୃତି ବିବାଦ ସାମ୍ନାକୁ ଆସିବା ପରେ ଖାରବେଳନଗର ଥାନାରେ ଏତଲା ଦେଇଛି କଳିଙ୍ଗ ସେନା । ଯେଉଁଥିରେ ବଲିଉଡ ଭଳି ଓଲିଉଡରେ ନିଶା କାରବାର ବଢିବାରେ ଲାଗିଛି ବୋଲି କୁହାଯାଇଛି। ବଲିଉଡରେ ସୁଶାନ୍ତ ସିଂହ ରାଜପୁତଙ୍କ ପରି ଦୁଃଖଦ ଘଟଣାର ଓଡ଼ିଶାରେ ଯେପରି ପୁନରାବୃତ୍ତି ନହୁଏ ତାହା ମଧ୍ୟ କୁହାଯାଇଛି।
