ଭୁବନେଶ୍ୱର: ମନୋରଞ୍ଜନ ଜଗତରୁ ଆଉ ଏକ ଦୁଃଖଦ ଖବର ସାମ୍ନାକୁ ଆସିଛି । ତେଲୁଗୁ ଅଭିନେତା ତାମାରେଡି ଚଲପତି ରାଓଙ୍କ ଦେହାନ୍ତ ହୋଇଛି। ୭୮ ବର୍ଷ ବୟସରେ ହୃଦଘାତରେ ତାଙ୍କର ମୃତ୍ୟୁ ହୋଇବା କୁହାଯାଉଛି। ବିଧାୟକ କଲୋନୀ ବନଜାରା ପାହାଡରେ ଥିବା ତାଙ୍କ ପୁଅ ରବି ବାବୁଙ୍କ ଘରେ ହୃଦଘାତରେ ଅଭିନେତାଙ୍କର ମୃତ୍ୟୁ ଘଟିଛି।
ସେ ପାଞ୍ଚ ଦଶନ୍ଧି ଧରି ଚାଲିଥିବା କ୍ୟାରିୟରରେ ତିନି ପିଢ଼ିର ଶ୍ରେଷ୍ଠ ତାରକାଙ୍କ ସହିତ ଅଭିନୟ କରିଥିଲେ। ତାଙ୍କ ପରିବାରରେ ୨ ଟି ଝିଅ ଏବଂ ଗୋଟିଏ ପୁଅ ଅଛନ୍ତି । ପୁଅ ରବି ବାବୁ ଜଣେ ଅଭିନେତା ଏବଂ ଚଳଚ୍ଚିତ୍ର ନିର୍ମାତା।
ଚଲପତି ରାଓଙ୍କ ପରିବାର କହିଛନ୍ତି ଯେ ଆମେରିକାରୁ ଝିଅ ଆସିବା ପରେ ଡିସେମ୍ବର ୨୮ ରେ ତାନ୍କର ଶେଷ ରୀତିନୀତି କରାଯିବ।
ତିନି ଦିନ ମଧ୍ୟରେ ଟଲିଉଡ ପାଇଁ ତାମାରେଡି ଚଲପତି ରାଓଙ୍କ ମୃତ୍ୟୁ ହେଉଛି ଦ୍ୱିତୀୟ ବଡ କ୍ଷତି । ଭେଟେରାନ୍ ଅଭିନେତା କାଇକାଲା ସତ୍ୟନାରାୟଣଙ୍କ ଡିସେମ୍ବର ୨୩ ରେ ଦେହାନ୍ତ ହୋଇଥିଲା । ଚଲାପଥୀ ରାଓ ଟଲିଉଡ ଇଣ୍ଡଷ୍ଟ୍ରିରେ ଅନେକ ଚଳଚ୍ଚିତ୍ରରେ କାମ କରିଛନ୍ତି। ତାଙ୍କ ମୃତ୍ୟୁ ଖବର ଦେଖି ପ୍ରଶଂସକମାନେ ଆଶ୍ଚର୍ଯ୍ୟ ହୋଇଯାଇଛନ୍ତି।
