ଭୁବନେଶ୍ୱର: ଆପଣ ନିଶ୍ଚୟ ବିଶ୍ୱସ୍ତ କୁକୁରମାନଙ୍କ ବିଷୟରେ ଶୁଣିଥିବେ। ବିହାର ରାଜଧାନୀ ପାଟନାରେ ଏକ କୁକୁର ନିଜ ମାଲିକଙ୍କ ଜୀବନ ତଥା ସମଗ୍ର ଘରର ଜୀବନ ରକ୍ଷା କରିଛି। ଏହି ମାମଲା ପାଟନା ସହରର ଗୌରୀଛକ ପୋଲିସ ଷ୍ଟେସନର।
ନାଗେଶ୍ୱର ରାୟଙ୍କର ଗୌରୀଛକ ଗାଁରେ ଦୁଇ ମହଲା ଘର ଅଛି। ବୁଧବାର ବିଳମ୍ବିତ ରାତିରେ ହଠାତ୍ ଘରେ ନିଆଁ ଲାଗିଯାଇଥିଲା। ନିଆଁ ଏତେ ଶକ୍ତିଶାଳୀ ଥିଲା ଯେ କୌଣସି ସମୟ ମଧ୍ୟରେ ନିଆଁ ପୁରା ଘରେ ବ୍ୟାପିଯାଇଥିଲା ଏବଂ ସମଗ୍ର ଘର ଧୂଆଁରେ ଜଳିବା ଆରମ୍ଭ କରିଥିଲା ।
ଏହା ଜାଣିବା ପରେ ନାଗେଶ୍ୱର ରାୟଙ୍କ ପୋଷା କୁକୁରଟି ଜୋରେ ଭୁକିବାକୁ ଲାଗିଲା । ଗଭୀର ନିଦ୍ରାରେ ଶୋଇଥିବା ଲୋକମାନଙ୍କୁ ନିଦରୁ ଉଠେଇ ଦେଇଥିଲା। ନିଦରୁ ଉଠିବା ପରେ ସମସ୍ତେ ନିଜ ଜୀବନକୁ ରକ୍ଷା କରିବାକୁ ଯାଇ ତଳକୁ ଚାଲିଆସିଥିଲେ ହେଲେ ପୋଷାକୁକୁରଟି ଆସିପାରିନଥିଲା । ମାଲିକ ଏବଂ ପୁରା ପରିବାରକୁ ସିନା ନିଆଁ କବଳରୁ ରକ୍ଷା କରିଦେଇଥିଲା ହେଲେ ନିଜ ଜୀବନକୁ ରକ୍ଷା କରିପାରିନଥିଲା ପୋଷା କୁକୁରଟି ।
ଅଗ୍ନିକାଣ୍ଡ ହେତୁ ଘରେ ରଖାଯାଇଥିବା ସମସ୍ତ ଜିନିଷ ପାଉଁଶ ହୋଇଯାଇଥିଲା। ତିନୋଟି ବାଇକ୍ ମଧ୍ୟ ଜଳିଯାଇଥିଲା। ଅଗ୍ନିଶମ ବାହିନୀ ଗାଡି ପହଞ୍ଚିବା ବେଳକୁ ଘରଟି ଜଳି ପୋଡି ପାଉଁଶ ହୋଇଯାଇଥିଲା। ନାଗେଶ୍ୱର ରାୟ କହିଛନ୍ତି ଯେ ପୋଷା କୁକୁର ନିଜର ଜୀବନ ଦେଇ ସମଗ୍ର ପରିବାରକୁ ରକ୍ଷା କରିଥିଲା। ଏହି ଘଟଣା ସମସ୍ତଙ୍କୁ ସ୍ତବ୍ଧ କରିଛି । ସେପଟେ ପୋଷାକୁକୁର କୁ ହରାଇ ସମଗ୍ର ପରିବାର ମଧ୍ୟ ଦୁଃଖରେ ଭାଙ୍ଗିପଡିଛନ୍ତି।
