ମୋବାଇଲ୍ ନ୍ୟୁଜ୍ ବ୍ୟୁରୋ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ମିଳିବ ଲୋକମାନ୍ୟ ତିଲକ ଜାତୀୟ ପୁରସ୍କାର। ଏହି ପୁରସ୍କାର ଅଗଷ୍ଟ ମାସ ଆରମ୍ଭରେ ପ୍ରଧାନମନ୍ତ୍ରୀ ମୋଦିଙ୍କୁ ପ୍ରଦାନ କରାଯିବ। ସର୍ବୋଚ୍ଚ ନେତୃତ୍ୱ ତଥା ନାଗରିକଙ୍କ ମଧ୍ୟରେ ଦେଶପ୍ରେମର ଆତ୍ମା ଜାଗ୍ରତ କରିଥିବାରୁ ତାଙ୍କୁ ଏହି ପୁରସ୍କାରରେ ସମ୍ମାନିତ କରାଯିବ ବୋଲି ପୁନେସ୍ଥିତ ସଂସ୍ଥାର ଆୟୋଜକମାନେ କହିଛନ୍ତି। ପ୍ରଧାନମନ୍ତ୍ରୀଙ୍କ ଏହି ସଫଳତା ସମ୍ପର୍କରେ ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକନାଥ ଶିନ୍ଦେ ଟ୍ୱିଟ୍ କରିଛନ୍ତି।
ଶିନ୍ଦେ ଲେଖିଛନ୍ତି ଯେ ନିକଟରେ ଦେଶର ଲୋକପ୍ରିୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଲୋକମାନ୍ୟ ତିଲକ ଜାତୀୟ ପୁରସ୍କାର ପ୍ରଦାନ କରିବାକୁ ଘୋଷଣା କରାଯାଇଛି। ଏହି ପୁରସ୍କାର ତାଙ୍କୁ ଅଗଷ୍ଟ ୧ରେ ଦିଆଯିବ। ଏହି ଅବସରରେ ମୋଦିଙ୍କୁ ଅଭିନନ୍ଦନ ଓ ଶୁଭେଚ୍ଛା।
ଟ୍ରଷ୍ଟ ଅଧ୍ୟକ୍ଷ ଦୀପକ ତିଲକ କହିଛନ୍ତି ଯେ ତିଲକ ସ୍ମାରକ ମଣ୍ଡିର ଟ୍ରଷ୍ଟ (ହିନ୍ଦ ସ୍ୱରାଜ ସଂଗଠନ) ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଲୋକମାନ୍ୟ ତିଲକର ୧୦୩ତମ ବାର୍ଷିକୀ ଅବସରରେ ଅଗଷ୍ଟ ପହିଲାରେ ଲୋକମାନ୍ୟ ତିଲକ ଜାତୀୟ ପୁରସ୍କାରରେ ସମ୍ମାନିତ କରିବେ। ଏଥିରେ କୁହାଯାଇଛି ଯେ ପ୍ରଧାନମନ୍ତ୍ରୀଙ୍କ ସର୍ବୋଚ୍ଚ ନେତୃତ୍ୱରେ ଭାରତ ଆତ୍ମନିର୍ଭରଶୀଳ ହୋଇଛି। ଦେଶରେ ବିକାଶ ହୋଇଛି।
