ବିହାର: ୨୦୨୫ରେ ବିହାରରେ ବିଧାନସଭା ନିର୍ବାଚନ । ଏନେଇ ଏବେଠୁ ଆରମ୍ଭ ହେଲାଣି ପ୍ରସ୍ତୁତି । ଅଂଟା ଭିଡିଲେଣି ସମସ୍ତ ଦଳ । ଏହାରି ଭିତରେ ଜନ ସୁରଜର ପ୍ରତିଷ୍ଠାତା ତଥା ନିର୍ବାଚନ ରଣନୀତିଜ୍ଞ ପ୍ରଶାନ୍ତ କିଶୋର ମଧ୍ୟ ସମସ୍ତ ଆସନରେ ନିର୍ବାଚନ ଲଢିବାକୁ ପ୍ରସ୍ତୁତି ଚଳାଇଛନ୍ତି । ଏଥିପାଇଁ ସେ ବିହାରର ଲୋକଙ୍କୁ ଏକ ଖୋଲା ଅଫର ଦେଇଛନ୍ତି, ଯାହା ଆଗାମୀ ସମୟରେ ମୁଖ୍ୟମନ୍ତ୍ରୀ ନୀତୀଶ କୁମାରଙ୍କ ଜେଡି (ୟୁ) ଏବଂ ତେଜସ୍ବୀ ଯାଦବଙ୍କ ଆରଜେଡିର ପୁରା ଖେଳ ବିଗାଡିପାରେ ବୋଲି ଚର୍ଚ୍ଚା ହେଲାଣି । କାରଣ ଜଣାଶୁଣା ନିର୍ବାଚନ ରଣନୀତିଜ୍ଞ ତଥା ଜନ ସୁରଜ ଅଭିଯାନର ପ୍ରତିଷ୍ଠାତା ପ୍ରଶାନ୍ତ କିଶୋର ୨୦୨୫ରେ ବିହାରରେ ହେବାକୁ ଥିବା ବିଧାନସଭା ନିର୍ବାଚନକୁ ଦୃଷ୍ଟିରେ ରଖି ଏକ ବଡ଼ ରାଜନୈତିକ ପଦକ୍ଷେପ ନେଇଛନ୍ତି ।
ରାଜ୍ୟ ରାଜଧାନୀ ପାଟନାରେ ଆୟୋଜିତ ଏକ ବିରାଟ ସାଧାରଣ ସଭାରେ ପି.କେ ସ୍ପଷ୍ଟ କରିଛନ୍ତି, ସେ ପୂର୍ବରୁ ମଧ୍ୟ ସମାନ କାର୍ୟ୍ୟ କରିଛନ୍ତି। ବର୍ତ୍ତମାନ ସାମାନ୍ୟ ପାର୍ଥକ୍ୟ ଅଛି । ସେ କହିଛନ୍ତି ଏହା ପୂର୍ବରୁ ମୁଁ ନିର୍ବାଚନ ପ୍ରସଙ୍ଗରେ ରାଜନୈତିକ ଦଳ ତଥା ରାଜନେତାମାନଙ୍କୁ ସାହାଯ୍ୟ କରୁଥିଲି । ବର୍ତ୍ତମାନ ମୁଁ ବିହାରର ଲୋକଙ୍କ ପାଇଁ ଏହି କାମ କରିବାରେ ବ୍ୟସ୍ତ ଅଛି । ସେହିପରି ନିର୍ବାଚନ ପୂର୍ବରୁ ପ୍ରଶାନ୍ତ କିଶୋର ବିହାରର ଲୋକଙ୍କୁ ଏକ ଖୋଲା ଅଫର ଦେଇ କହିଛନ୍ତି, ଜନ ସୁରଜ ଆପଣଙ୍କୁ ନିର୍ବାନରେ ପ୍ରତିଦ୍ୱନ୍ଦ୍ୱିତା କରିବାକୁ ସୁଯୋଗ ଦେବ। ତେବେ ଏଥିପାଇଁ ସେ ଏକ ସ୍ବତନ୍ତ୍ର ସର୍ତ୍ତ ମଧ୍ୟ ରଖିଛନ୍ତି । ପି.କେ ବିହାରର ଲୋକଙ୍କୁ ସ୍ପଷ୍ଟ ଭାବରେ କହିଛନ୍ତି, ଆପଣମାନେ ନିଜର ଭୂମିକା ସ୍ଥିର କରନ୍ତି । ଯଦି ଆପଣ ଗୋଟିଏ ପଦକ୍ଷେପ ନିଅନ୍ତି, ତେବେ ଜନ ସୁରଜ ଆପଣଙ୍କୁ ଚାରିଟି ପଦକ୍ଷେପ ନେବାରେ ସାହାଯ୍ୟ କରିବେ । ତେବେ ଆସନ୍ତା ଅକ୍ଟୋବର ୨ରେ ଲଂଚ ହେବ ପିକେଙ୍କ ଜନ ସୂରଜ ପାର୍ଟି । ଏନେଇ ପୂର୍ବରୁ ଘୋଷଣା କରିସାରିଛନ୍ତି ପ୍ରଶାନ୍ତ
