ଭୁବନେଶ୍ୱର: ଲୋକାର୍ପିତ ହେଲା ଏମଜେନ୍ସିଂ ରେସପନ୍ସ ସପୋର୍ଟ ସିଷ୍ଟମ୍ ବା ଇଆରଏସଏସ ଯାନ । ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଆଜି ଏହାକୁ ଲୋକାର୍ପିତ କରିଛନ୍ତି । କମିଶନରେଟ ପୁଲିସର କାର୍ଯ୍ୟରେ ଏହାକୁ ବିଶେଷ ଭାବେ ସହାୟକ ହେବ ବୋଲି ଏହାକୁ ଡିଜାଇନ କରାଯାଇଛି । ଇଆରଏସଏସ ହେଉଛି ଆପାତକାଳୀନ ପ୍ରତିକ୍ରିୟା ସହାୟତା ପ୍ରଣାଳୀ । ଯାହା ଜରୁରୀକାଳୀନ ପ୍ରକ୍ରିୟାକୁ ତ୍ବରାନ୍ବିତ କରିବା ଓ ଡାଏଲ୍ ୧୧୨ର ଉତ୍ତମ ସେବା ପ୍ରଦାନ କରିବ । ଓଡ଼ିଶା ସରକାର ୩୦ଟି ଏମଜେନ୍ସିଂ ରେସପନ୍ସ ସପୋର୍ଟ ସିଷ୍ଟମ ଯାନକୁ ମଞ୍ଜୁର କରିଛନ୍ତି ।
କଟକ ଓ ଭୁବନେଶ୍ବର କମିଶନରେଟ୍ ଅଞ୍ଚଳରେ ମିଳିବ ସୁବିଧା । ପ୍ରାଥମିକ ଚିକିତ୍ସା, ଆମ୍ବୁଲାନ୍ସ ଓ ଫାୟାର ସେବା ଯୋଗାଇବ ପୋଲିସ । ଏହି ଅବସରରେ ମୁଖ୍ୟମନ୍ତ୍ରୀ କହିଛନ୍ତି ପୋଲିସ ବିଭାଗକୁ ଆହୁରି ସଶକ୍ତ କରାଯିବ । ଗୃହ ବିଭାଗରେ ୧୦ ହଜାର ପଦ ପୂରଣ ହେବ । ପୋଲିସର ଶକ୍ତି ଓ ଆତ୍ମବିଶ୍ବାସ ବୃଦ୍ଧି ପାଇଁ ପଦକ୍ଷେପ ନିଆଯିବ । ଆହୁରି ଅଧିକ ଗୃହରକ୍ଷୀ ପଦ ସୃଷ୍ଟି ହେବ । ୫ ହଜାର ଗୃହରକ୍ଷୀ ପଦ ପୂରଣ ପାଇଁ ନିଷ୍ପତ୍ତି ହୋଇଛି ।
