ପ୍ରୟାଗରାଜ: କୁମ୍ଭମେଳାରେ ଅଘଟଣ । ବୁଡ଼ ପକାଇବା ବେଳେ ହୋଇଛି ଦଳାଚକଟା । ଏପରି ଅଘଟଣ ୧୦ ଜଣଙ୍କ ଜୀବନ ନେଇଥିବା ସୂଚନା ରହିଛି । ପ୍ରୟାଗରାଜ ମହାକୁମ୍ଭରେ ମୌନୀ ଅମାବାସ୍ୟା ଦିନ ପାଖାପାଖି ୧୦ କୋଟିରୁ ଉଦ୍ଧ୍ୱର୍ ଶ୍ରଦ୍ଧାଳୁଙ୍କ ସମାଗମ ହୋଇଥିଲା । ଅସମ୍ଭାଳ ଭିଡ଼ ପାଇଁ ଦଳଚକଟା ପରିସ୍ଥିତି ସୃଷ୍ଟି ହୋଇଥିଲା । ଯେଉଁଥିରେ ୫୦ରୁ ଉଦ୍ଧ୍ୱର୍ ଆହତ ହୋଇଛନ୍ତି । ବିଳମ୍ବିତ ରାତି ପ୍ରାୟ ୧ଟା ବେଳେ ଦଳାଚକଟା ହୋଇଥିବା ନେଇ ସୂଚନା ମିଳିଛି । ତେବେ ସ୍ଥିତି ସଂପର୍କରେ ୟୁପି ମୁଖ୍ୟମନ୍ତ୍ରୀଙ୍କ ସହ ଆଲୋଚନା କରିଛନ୍ତି ପ୍ରଧାନମନ୍ତ୍ରୀ ମୋଦୀ । ଆବଶ୍ୟକ ସହାୟତା ଯୋଗାଇ ଦେବାକୁ ପ୍ରତିଶ୍ରୁତି ଦେଇଛନ୍ତି ପ୍ରଧାନମନ୍ତ୍ରୀ ।
ଉଦ୍ଧାରକାରୀ ଦଳ ଉଦ୍ଧାର କାର୍ୟ୍ୟ ଜାରି ରଖିଛନ୍ତି । ସେପଟେ ଦଳଚକଟା ପରେ ରଦ୍ଦ ହେଇଛି ଅମୃତ ସ୍ନାନ । ଅମୃତ ସ୍ନାନ ରଦ୍ଦ କରିଛି ଆଖଡ଼ା ପରିଷଦ । ସତର୍କତାମୂଳକ ପଦକ୍ଷେପ ସ୍ବରୂପ ଅମୃତ ସ୍ନାନ ରଦ୍ଦ କରିଛି ପରିଷଦ । ଆଜି ମୌନୀ ଅମାବାସ୍ୟା ପାଇଁ ଭୋର ୪ଟାରୁ ଅମୃତ ସ୍ନାନ ଆରମ୍ଭ ହୋଇଥାଆନ୍ତା । କିନ୍ତୁ ଅମୃତ ସ୍ନାନ ପୂର୍ବରୁ ରାତି ପ୍ରାୟ ୧.୩୦ ରେ ଏହି ଦଳାଚକଟା ପରିସ୍ଥିତି ଉପୁଜିଥିଲା । ଦଳାଚକଟାରେ ଅନେକ ଲୋକ ଆହତ ହୋଇଥିବା ନେଇ ଆଶଙ୍କା କରାଯାଉଥିବା ବେଳେ ଆହତଙ୍କୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଛି।
