ନୂଆଦିଲ୍ଲୀ, ୨୩।ଜୁନ୍ : ସୋମବାର ଦେଶର ୪ଟି ରାଜ୍ୟର ୫ଟି ବିଧାନସଭା ଆସନ (ନିର୍ବାଚନ ଫଳାଫଳ ୨୦୨୫) ପାଇଁ ଭୋଟ ଗଣତି ହୋଇଛି। ଏହି ସମସ୍ତ ଆସନର ଫଳାଫଳ ଘୋଷଣା ଆଜି ହେବାକୁ ଯାଉଥିବାରୁ ଭୋଟ ଗଣତି ସକାଳ ୮ଟାରୁ ମତଦାନ କେନ୍ଦ୍ରରେ ଆରମ୍ଭ ହୋଇଯାଇଛି। ଏହି ଫଳାଫଳ ବିଶେଷକରି ଆମ ଆଦମୀ ପାର୍ଟି (ଆପ) ପାଇଁ ବହୁତ ଗୁରୁତ୍ୱପୂର୍ଣ୍ଣ ସାବ୍ୟସ୍ତ ହୋଇପାରେ। ପଞ୍ଜାବର ଲୁଧିଆନା ପଶ୍ଚିମ, ପଶ୍ଚିମବଙ୍ଗର କାଲିଗଞ୍ଜ, କେରଳର ନିଲାମ୍ବୁର, ଗୁଜୁରାଟର ବିଦାସ୍ୱର ଏବଂ କାଡି ଆସନ ଗୁଡିକରେ ଜୁନ୍ ୧୯ ତାରିଖରେ ଉପନିର୍ବାଚନ ଅନୁଷ୍ଠିତ ହୋଇଥିଲା। ସୂଚନା ଅନୁସାରେ କେରଳର ନିଲାମ୍ବୁର ବିଧାନସଭା ଆସନରେ କଂଗ୍ରେସ ଏକ ବିପୁଳ ବିଜୟ ହାସଲ କରିଛି। ନିଲାମ୍ବୁର ବିଧାନସଭା ଆସନରେ କଂଗ୍ରେସ ପ୍ରାର୍ଥୀ ଆର୍ଯ୍ୟଦାନ ଶୌକତ ୧୦୯୨୮ ଭୋଟରେ ବିଜୟୀ ହୋଇଛନ୍ତି। ୧୯ତମ ପର୍ଯ୍ୟାୟ ଗଣତିରେ ସେ ୭୭ ହଜାରରୁ ଅଧିକ ଭୋଟ ପାଇଛନ୍ତି। ସେହି ସମୟରେ, ସିପିଆଇ(ଏମ୍) ପ୍ରାର୍ଥୀ ଏମ୍. ସ୍ୱରାଜ ୬୬୧୫୯ ଭୋଟ ସହିତ ଦ୍ୱିତୀୟ ସ୍ଥାନରେ ଅଛନ୍ତି। ନିର୍ବାଚନ ଫଳାଫଳ ପାଇଁ କାଉଣ୍ଟଡାଉନ ଆରମ୍ଭ ହୋଇଯାଇଛି, ଆଗକୁ କିଏ ବାଜି ମାରିବ, ତାହାର ଫଳାଫଳ ଆସିବା ବାକି ରହିଛି ।
