ବର୍ଷିଲେ ଶଙ୍କରାଚାର୍ଯ୍ୟ: କହିଲେ, ଧାର୍ମିକ ବ୍ୟବସ୍ଥାରେ ନିଷ୍ପତ୍ତି ନେବା ପୂର୍ବରୁ ନିଆଯାଉନି ମୋର ପରାମର୍ଶ

ଭୁବନେଶ୍ୱର , ୨୬|୦୬ : ପୁରୀ ଗୋବର୍ଦ୍ଧନ ପୀଠର ମୁଖ୍ୟ ଶଙ୍କରାଚାର୍ଯ୍ୟ ଜଗତଗୁରୁ ନିଶ୍ଚଳାନନ୍ଦ ସରସ୍ୱତୀ କେନ୍ଦ୍ର ସରକାର ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଉପରେ ବର୍ଷିଛନ୍ତି। ସେ କହିଛନ୍ତି ଯେ କେନ୍ଦ୍ର ସରକାର ଧାର୍ମିକ ବ୍ୟବସ୍ଥାରେ ନୀତିଗତ ନିଷ୍ପତ୍ତି ଏବଂ ନିଷ୍ପତ୍ତି ନେବାରେ ବିଫଳ ହୋଇଛି। ନିର୍ବାଚନ ପୂର୍ବରୁ ବିଭିନ୍ନ ନେତା ଭୟରେ ଆଶୀର୍ବାଦ ନିଅନ୍ତି। କିନ୍ତୁ ସେ ଅଭିଯୋଗ କରିଛନ୍ତି ଯେ ମନ୍ଦିର ପ୍ରଶାସନ କିମ୍ବା ରାଜ୍ୟ ସରକାର ତାଙ୍କ ପରାମର୍ଶ ଗ୍ରହଣ କରନ୍ତି ନାହିଁ।

ଶଙ୍କରାଚାର୍ଯ୍ୟ ଇସ୍କନର ଆଦିନିଆ ରଥଯାତ୍ରା ଉପରେ ମଧ୍ୟ ବର୍ଷିଛନ୍ତି। ସେ ପଚାରିଥିଲେ ଯେ ଇସ୍କନର ମନମୁଖୀ ନିଷ୍ପତ୍ତି ପଛରେ କିଏ ଅଛି? ସେହିପରି ଜଗତଗୁରୁ କହିଛନ୍ତି ଯେ ଦୀଘା ଜଗନ୍ନାଥ ଧାମ ନାମକରଣ ଘଟଣାରେ କେନ୍ଦ୍ର ସରକାର ହସ୍ତକ୍ଷେପ କରିବା ଉଚିତ। ଶଙ୍କରାଚାର୍ଯ୍ୟ ଆସନ୍ତାକାଲି ରଥଯାତ୍ରାରେ ତାଙ୍କ ଶିଷ୍ୟ ଏବଂ ଅନୁଗାମୀଙ୍କ ସହ ଯୋଗଦେବେ।