ଭୁବନେଶ୍ୱର ୧୦/ଜୁଲାଇ : ଓଲିଉଡ ଅଭିନେତା ପାର୍ଥସାରଥୀଙ୍କୁ ବଡ଼ଗଡ଼ ଥାନା ପୋଲିସ ଗିରଫ କରିଛନ୍ତି। ଏନବିଡବ୍ଲୁ (ନନ୍-ବେଲବୁଲ ଅରେଷ୍ଟ ଓୟାରେଣ୍ଟ) ଆଧାରରେ ତାଙ୍କୁ ଗିରଫ କରାଯାଇଥିବା ଜଣାପଡ଼ିଛି। ପ୍ରାଥମିକ ତଥ୍ୟ ଅନୁଯାୟୀ, ଏହି ମାମଲା ପୂର୍ବରୁ ଚାଲିଥିବା ଏକ ଛାଡ଼ପତ୍ର ମାମଲା ସହ ସଂପୃକ୍ତ ଅଟେ, ଯେଉଁଠାରେ କୋର୍ଟ ନିୟମ ଉଲ୍ଲଙ୍ଘନ କରିଥିବାରୁ ତାଙ୍କ ବିରୋଧରେ ଜାମିନ ବିହୀନ ଗିରଫ ପରୱାନା ଜାରି ହୋଇଥିଲା। ଏହି ଆଦେଶ ଅନୁଯାୟୀ, ବଡ଼ଗଡ଼ ପୋଲିସ ତାଙ୍କୁ ଗିରଫ କରି କୋର୍ଟ ଚାଲାଣ କରିଛି।ଅଭିନେତା ପାର୍ଥସାରଥୀ ଓଡିଆ ଚଳଚ୍ଚିତ୍ର ଜଗତରେ ଏକ ପରିଚିତ ନାମ ଥିଲେ। ସେ ‘ଫାଲଗୁନ ଚୈତ୍ର’, ‘ଡାଲଚିନି’, ‘ତ୍ରିକନ୍ୟା’, ‘ଚରିତ୍ର’, ଓ ‘ଡିୟର ପୁରୁଷ’ ଭଳି କିଛି ଲୋକପ୍ରିୟ ସିନେମାରେ ଅଭିନୟ କରି ଦର୍ଶକଙ୍କ ମନ ଜିତିଥିଲେ। ତାଙ୍କ ଉପରେ ଆସିଥିବା ଏହି ଆଇନଗତ କାର୍ଯ୍ୟାନୁଷ୍ଠାନ ତାଙ୍କ ଭବିଷ୍ୟତ କ୍ୟାରିୟରକୁ କେତେ ପ୍ରଭାବିତ କରିବ, ସେଥି ପାଇଁ ଏବେ ସମୟ ମାତ୍ର ଉତ୍ତର ଦେବ। ତେବେ ଡର୍ଶକମାନେ ତାଙ୍କ ଏହି ଅପେକ୍ଷା ଅପୂର୍ଣ୍ଣ ଅବସ୍ଥାକୁ ଦେଖି ଅବାକ ଓ ନିରାଶ ଅଟନ୍ତି।
