ଭୁବନେଶ୍ୱର ୧୧/ଜୁଲାଇ : ତୃଣମୂଳ କଂଗ୍ରେସର ସାଂସଦ ମହୁଆ ମୈତ୍ରଙ୍କ ଓଡ଼ିଶା ସରକାର ବିରୋଧରେ ଦିଆଯାଇଥିବା ମନ୍ତବ୍ୟ ଉପରେ ରାଜସ୍ବ ଓ ବିପର୍ଯ୍ୟୟ ପରିଚାଳନା ମନ୍ତ୍ରୀ ସୁରେଶ ପୂଜାରୀ କଡ଼ା ସ୍ୱରରେ ପ୍ରତିକ୍ରିୟା ଦେଇଛନ୍ତି। ସେ କହିଛନ୍ତି, ମହୁଆ ମୈତ୍ର ନିଜେ ଯାହା କୁହନ୍ତି ତାହା ବୁଝନ୍ତି ନାହିଁ, ଏବଂ ସେ ଏକ ଓଡ଼ିଆ ପୁଅଙ୍କୁ ବିବାହ କରି ମାସ ନହେଁ ବିତି ଶ୍ବଶୁର ଘରକୁ ଧମକ ଦେଉଛନ୍ତି। ସେ ଓଡ଼ିଶା ନୁହେଁ, ବଂଗଳାକୁ ପ୍ରତିନିଧିତ୍ୱ କରନ୍ତୁ, ଏହିପରି ଉପଦେଶ ମଧ୍ୟ ସେ ଦେଇଛନ୍ତି। ସୁରେଶ ପୂଜାରୀ ଅଭିଯୋଗ କରିଛନ୍ତି ଯେ ମହୁଆ ଓ ଟିଏମସି ଦଳ ପଶ୍ଚିମବଙ୍ଗ ମାଧ୍ୟମରେ ବାଂଲାଦେଶୀ ଅନୁପ୍ରବେଶକାରୀମାନଙ୍କୁ ଭାରତକୁ ଆଣୁଛନ୍ତି, ଯାହା ଆନ୍ତରିକ ସୁରକ୍ଷା ପାଇଁ ଗଭୀର ଅଭିସଂକେତ। ମନ୍ତ୍ରୀ ସୁରେଶ ପୂଜାରୀ ଏହି ବିଷୟରେ ଉଲ୍ଲେଖ କରିଛନ୍ତି ଯେ କେନ୍ଦ୍ର ସରକାର ହିନ୍ଦୁ, ବୌଦ୍ଧ, ଶିଖ, ପାର୍ଶି ଓ ଖ୍ରୀଷ୍ଟିଆନଙ୍କ ପାଇଁ ନିର୍ଯ୍ୟାତନାରୁ ବଞ୍ଚିବା ପାଇଁ ଆଇନ ଲାଗୁ କରିଛି, ଯେଉଁମାନେ ବାଂଲାଦେଶ ଓ ଆଫଗାନିସ୍ତାନରୁ ଆସୁଛନ୍ତି। କିନ୍ତୁ ଅନ୍ୟ ସମ୍ପ୍ରଦାୟର ଅବୈଧ ଅନୁପ୍ରବେଶକାରୀମାନେ ଯୋଜିତ ଭାବେ ଆଣାଯାଉଛନ୍ତି ବୋଲି ସେ ଅଭିଯୋଗ କରିଛନ୍ତି। ଟିଏମସି ସରକାର ଏହି ଅନୁପ୍ରବେଶକାରୀଙ୍କୁ ରାସନ ଓ ଆଧାରକାର୍ଡ ଯୋଗାଇ ନିଜର ଭୋଟ ବ୍ୟାଙ୍କ ତିଆରି କରୁଛି। ସେ କହିଛନ୍ତି, ପଶ୍ଚିମବଙ୍ଗର ଅବସ୍ଥା ଏପରି ଅସ୍ଥିର ହୋଇଯାଇଛି ଯେ ମାନବୀୟ ଅଧିକାର ଓ ଆଇନଶୃଙ୍ଖଳା ଧ୍ୱଂସ ହୋଇଯାଇଛି। ଓଡ଼ିଶାର ଝାରସୁଗୁଡ଼ାରେ ଧରାପଡ଼ିଥିବା ପଶ୍ଚିମବଙ୍ଗ ମୂଳର ୪୨୧ ଶ୍ରମିକଙ୍କ ଅଟକ ଘଟଣାକୁ ନେଇ ମହୁଆ ମୈତ୍ର ରାଜ୍ୟ ସରକାରକୁ ଚେତାବନୀ ଦେଇଥିଲେ। ସେ ଏହାକୁ ଅନ୍ୟାୟ ବୋଲି କହି ମୁଖ୍ୟମନ୍ତ୍ରୀ ଓ ଉଚ୍ଚ ଅଧିକାରୀଙ୍କୁ ଆହ୍ୱାନ କରି ଶ୍ରମିକମାନଙ୍କୁ ମୁକ୍ତ କରିବା ଦାବି କରିଥିଲେ। ସେ ଦାବି କରିଥିଲେ ଯେ ଏହି ଶ୍ରମିକମାନେ ଆଧାରକାର୍ଡ ଭଳି ବୈଧ ପ୍ରମାଣ ଥିଲେ ମଧ୍ୟ ବେଆଇନ ଭାବେ ଅଟକ ରଖାଯାଇଛନ୍ତି। ଏଥିରେ ଏକ ଭିତ୍ତିହୀନ ରାଜନୈତିକ ମନ୍ତବ୍ୟ ରୂପେ ବିଜେପି ଏହି ଅଭିଯୋଗକୁ ଗ୍ରହଣ କରୁନାହିଁ। ମନ୍ତ୍ରୀ ପୂଜାରୀ ଶେଷରେ ସଂଖ୍ୟାଲଘୁ ବନ୍ଧୁତ୍ୱ, ଅନୁପ୍ରବେଶ, ଆତଙ୍କବାଦ ଓ ଓଡ଼ିଶାର ସୁରକ୍ଷା ଦିଗରେ ଚିନ୍ତା ବ୍ୟକ୍ତ କରି ବଲିଛନ୍ତି ଯେ ଓଡ଼ିଶା ସରକାର ଏହାକୁ ଗମ୍ଭୀରତାରେ ନେଇ ଏକ୍ସନ ନେଉଛନ୍ତି। କେନ୍ଦ୍ର ସରକାର ଦ୍ୱାରା ଦିଆଯାଇଥିବା ନିର୍ଦ୍ଦେଶିକା ଅନୁଯାୟୀ ଅନୁପ୍ରବେଶକାରୀ ବିରୋଧରେ କାର୍ଯ୍ୟବାହି ଆରମ୍ଭ ହୋଇଛି। ଓଡ଼ିଶା ଓ ପଶ୍ଚିମବଙ୍ଗ ମଧ୍ୟରେ ରାଜନୈତିକ ତଣାବ ଏବେ ଜନସାଧାରଣ ମଧ୍ୟରେ ଆଲୋଚନାର ବିଷୟ ହୋଇପଡ଼ିଛି।
