ଭୁବନେଶ୍ୱର ୨୬/ଜୁଲାଇ : ଉତ୍ତର ବଙ୍ଗୋପସାଗରରେ ଗତକାଲି ସୃଷ୍ଟି ହୋଇଥିବା ଲଘୁଚାପ ଆଜି ଅବପାତର ରୂପ ନେଇ ରାଜ୍ୟରେ ଭାରୀ ବର୍ଷା ଜାରି ରହିଛି। ବାରିପଦା, ସୁବର୍ଣ୍ଣପୁର, ସୁନ୍ଦରଗଡ଼, ମାଲକାନଗିରି ଓ ଝାରସୁଗୁଡ଼ା ସମେତ ବହୁତ ଅଞ୍ଚଳରେ ୧୦୦ ମି.ମି. ଉପରେ ବର୍ଷା ହୋଇଥିବା ବେଳେ, ଏହି ଅଳ୍ପ ସମୟରେ ଅଧିକ ବର୍ଷା ଯୋଗୁଁ ଜଳନିଷ୍କାସନରେ ସମସ୍ୟା ସୃଷ୍ଟି ହେଉଛି ଓ ନଦୀ ଜଳସ୍ତର ବୃଦ୍ଧି ହେଉଛି। ଜଳସମ୍ପଦ ବିଭାଗ ପକ୍ଷରୁ ଜଣାପଡ଼ିଛି ଯେ, ଏହି ଅବପାତ ଓଡ଼ିଶା ଉପରେ ପ୍ରଭାବ ପକାଇଥିବା ବେଳେ ଆସନ୍ତା ୨୯ ତାରିଖ ପର୍ଯ୍ୟନ୍ତ ଅନେକ ଅଞ୍ଚଳରେ ବର୍ଷା ଚାଲିରହିବ। ଗତ ୩୩ ଘଣ୍ଟା ମଧ୍ୟରେ ୧୫ ଜିଲ୍ଲାର ୪୩ ବ୍ଲକ୍ରେ ୫୦ ମି.ମି. ଉପରେ ବର୍ଷା ହୋଇଥିବା ଉଲ୍ଲେଖ କରାଯାଇଛି। ପାଣିପାଗ ବିଜ୍ଞାନ କେନ୍ଦ୍ର ଦ୍ୱାରା ଜାରି ହୋଇଥିବା ଚେତାବନୀ ଅନୁଯାୟୀ, ଆସନ୍ତାକାଲି ଝାରସୁଗୁଡ଼ା, ସମ୍ବଲପୁର, ସୁନ୍ଦରଗଡ଼ ଓ ପଶ୍ଚିମ ଓଡ଼ିଶାର ଅନ୍ୟାନ୍ୟ ଜିଲ୍ଲାରେ ବିଜୁଳି ଓ ପବନ ସହ ପ୍ରବଳ ବର୍ଷା ହେବାର ସମ୍ଭାବନା ରହିଛି। ଏହି ପରିସ୍ଥିତିକୁ ଦୃଷ୍ଟିରେ ରଖି ଅଞ୍ଚଳଗତ ଜିଲ୍ଲାଗୁଡ଼ିକୁ ଅରେଞ୍ଜ ଓ ୟେଲୋ ୱାର୍ଣ୍ଣିଂ ଜାରି କରାଯାଇଛି। ଉପକୂଳ ଅଞ୍ଚଳ ଓ ତାହା ସଂଲଗ୍ନ ଅଞ୍ଚଳରେ ବେଗ ବୃଦ୍ଧି ସହ ବର୍ଷା ହେବାର ଆଶଙ୍କା ରହିଥିବାରୁ ମତ୍ସ୍ୟଜୀବୀମାନଙ୍କୁ ୨୫ରୁ ୨୯ ତାରିଖ ପର୍ଯ୍ୟନ୍ତ ଉତ୍ତର ବଙ୍ଗୋପସାଗର ଓ ଉପକୂଳ ଅଞ୍ଚଳରେ ସମୁଦ୍ର ଯିବାରୁ ନିଷେଧ କରାଯାଇଛି।
