The controversy over vote theft is heating up, the ruling party is facing off against the opposition

ନୂଆଦିଲ୍ଲୀ ୧୨/ଅଗଷ୍ଟ : ଭୋଟର ତାଲିକା ପ୍ରସଙ୍ଗରେ ରାଜନୈତିକ ଦଳଗୁଡ଼ିକ ମଧ୍ୟରେ ଲଢ଼େଇ ତୀବ୍ର ହୋଇଛି। ବିରୋଧୀ ଦଳ ସଂସଦ ପରିସରରେ ସ୍ୱର ଉଠାଇଛନ୍ତି। ବିରୋଧୀ ଦଳ ନେତା ରାହୁଲ ଗାନ୍ଧୀ କହିଛନ୍ତି ଯେ “ଫିଲ୍ମ ଏପର୍ଯ୍ୟନ୍ତ ସମ୍ପୂର୍ଣ୍ଣ ହୋଇନାହିଁ ଏବଂ ଆମେ ଏବେ ଆଉ ଆନ୍ଦୋଳନ ବନ୍ଦ କରିବୁ ନାହିଁ। ସେ ନିର୍ବାଚନ କମିଶନ ଏବଂ ବିଜେପିକୁ ନିଜ ଅଭିଯୋଗ ମାଧ୍ୟମରେ ଘେରିଛନ୍ତି। ରାହୁଲଙ୍କ ତୀବ୍ର ପ୍ରତିକ୍ରିୟା ଉପରେ ବିଜେପିର କେନ୍ଦ୍ରମନ୍ତ୍ରୀ ପ୍ରହ୍ଲାଦ ଯୋଶୀ ପାଲଟା ଜବାବ ଦେଇ ପଚାରିଛନ୍ତି ଯେ ସେମାନେ କେବେ ସାମ୍ବିଧାନିକ ପ୍ରତିଷ୍ଠାନ ଉପରେ ଆକ୍ରମଣ କରିବା ବନ୍ଦ କରିବେ କି? ତେବେ ଭୋଟର ତାଲିକାକୁ ନେଇ ଲଢ଼େଇରେ ଯୁବ କଂଗ୍ରେସ ମଧ୍ୟ ଅଭିଯୋଗ ନେଇ ରାସ୍ତାକୁ ଓଲ୍ହାଇଛି, ଏହା ସହ ଦିଲ୍ଲୀରେ ଘଣ୍ଟା ଘଣ୍ଟା ଧରି ହଙ୍ଗାମା ଜାରି ରହିଛି। ବିରୋଧୀ ଦଳ କହୁଛି ଯେ ଏହା କେବଳ ଗୋଟିଏ ଆସନର କଥା ନୁହେଁ, ବରଂ ଜାତୀୟ ସ୍ତରରେ ବ୍ୟବସ୍ଥିତ ଭାବରେ ଭୋଟ ଚୋରି କରାଯାଉଛି। ସେମାନେ ଯୁକ୍ତି ବାଢ଼ିଛନ୍ତି ଯେ ‘ଗୋଟିଏ ଲୋକ ଗୋଟିଏ ଭୋଟ’ ସମ୍ବିଧାନର ଆଧାର ଏବଂ ଏହାକୁ କାର୍ଯ୍ୟକାରୀ କରିବା ନିର୍ବାଚନ କମିଶନଙ୍କ କର୍ତ୍ତବ୍ୟ, କିନ୍ତୁ ସେମାନେ ତାହା କରିନାହାଁନ୍ତି। ବିରୋଧୀ ଦଳ କହିଛି ଯେ ସେମାନେ ସମ୍ବିଧାନକୁ ରକ୍ଷା କରୁଛନ୍ତି ଏବଂ ଏପରି କରି ଚାଲିବେ, ସେମାନେ ସଂଘର୍ଷ ବନ୍ଦ କରିବେ ନାହିଁ। ତେବେ ଏହାର ଜବାବ ଦେଇ ବିଜେପି ସାଂସଦ ରବି କିଷାନ, ଏହି ଅଭିଯୋଗଗୁଡ଼ିକୁ ‘ଧ୍ୟାନ ଚୋରି’ ବୋଲି କହି, କହିଛି ଯେ ଯଦି ସେମାନଙ୍କୁ ଭୁଲ କରିବାକୁ ପଡ଼ିଥାନ୍ତା, ତେବେ ସେମାନେ ୩୦୦ରୁ ଅଧିକ ଆସନ ଜିତିଥାନ୍ତେ ଏବଂ ମେଣ୍ଟକୁ ବଜାୟ ରଖି ନଥାନ୍ତେ, ଏମିତି କିଛି ଆସନ ନୁହେଁ। ତେବେ ଘଟଣାଟି ତେଜିବାରେ ଲାଗିଛି, ବିରୋଧୀ ସଂଘର୍ଷ କରିଚାଲିଛି ଏବଂ ଖାମତାରେ ଥିବା ଦଳ ଏହାର କଡ଼ ଜବାବ ମଧ୍ୟ ଦଉଛି । ତେବେ ଘଟଣାଟି କେଉଁ ମୋଡ ନେବା ତାହା ଦେଖିବା ବାକି ରଖିଛି ।