RSS's two-day meet against US tariff policy: Efforts to formulate strategy to protect India's economy
ନୂଆଦିଲ୍ଲୀ ୧୬/ଅଗଷ୍ଟ : ନିକଟରେ ଆମେରିକା ଭାରତର ରୁପରେ ଅନେକ ଉତ୍ପାଦରେ ୫୦% ଟାରିଫ୍ ଲାଗୁ କରିବା ନିଷ୍ପତ୍ତି ଘୋଷଣା କରିଥିଲା, ଯାହାକୁ ନେଇ ଭାରତ ସରକାର ତିବ୍ର ଆପତ୍ତି ପ୍ରକାଶ କରିଛି। ଭାରତ କହିଛି ଯେ, ଏହି ନିଷ୍ପତ୍ତି ଦୁଇ ଦେଶର ବ୍ୟବସାୟ ଓ ଆର୍ଥିକ ସମ୍ପର୍କ ପାଇଁ ହାନିକାରକ। ତଥାପି, ଆମେରିକା ଏପର୍ଯ୍ୟନ୍ତ ଏହାକୁ ପୁନଃବିଚାର କରିବା କିମ୍ବା ପ୍ରତ୍ୟାହାର କରିବା ବିଷୟରେ କୌଣସି ସ୍ପଷ୍ଟ ସଙ୍କେତ ଦେଇନାହିଁ। ଏହି ଅନୁଷ୍ଠିତ ଟାରିଫ୍ ନିଷ୍ପତ୍ତିକୁ ନେଇ ରାଷ୍ଟ୍ରୀୟ ସ୍ୱୟଂସେବକ ସଂଘ (RSS) ମଧ୍ୟ ତିବ୍ର ଅସନ୍ତୋଷ ପ୍ରକାଶ କରିଛି। ସଂଘ କହିଛି ଯେ, ଏହି ନୀତି ଭାରତୀୟ ଉତ୍ପାଦକ ଓ ଶ୍ରମିକମାନଙ୍କୁ ପଛେଇ ଦେବ ଓ ଦେଶର ଅର୍ଥନୀତିକୁ ନେଗେଟିଭ୍ ଭାବେ ପ୍ରଭାବିତ କରିପାରେ। ସେହିପାଇଁ, ଏହି ମାମଲାକୁ ଗମ୍ଭୀରତାରେ ନେଇ ସଂଘ ଏବେ ଦୁଇଦିନିଆ ବୈଠକ ଡାକିଛି। ଏହି ବୈଠକ ରାଷ୍ଟ୍ରୀୟ ସ୍ତରରେ ଦିଲ୍ଲୀରେ ୧୯ ଓ ୨୦ ଅଗଷ୍ଟ ତାରିଖରେ ଅନୁଷ୍ଠିତ ହେବ। ଆରଏସଏସ ପ୍ରମୁଖ ମୋହନ ଭାଗବତଙ୍କ ନେତୃତ୍ୱରେ ହେବାକୁ ଥିବା ଏହି ବୈଠକରେ ସଂଘର ସମସ୍ତ ଉଚ୍ଚ ପଦାଧିକାରୀ, ଆର୍ଥିକ ନୀତି ବିଶେଷଜ୍ଞ, ଏବଂ ସହଯୋଗୀ ସଂଗଠନମାନଙ୍କର ପ୍ରତିନିଧିମାନେ ଉପସ୍ଥିତ ରହିବେ। ଏଠାରେ ଆମେରିକୀୟ ନୀତିର ଭାରତ ଉପରେ ପ୍ରଭାବ ଓ ତାହା ପାଇଁ ଯୋଗ୍ୟ ପ୍ରତିକ୍ରିୟା ନେବା ବିଷୟରେ ରଣନୀତି ତିଆରି କରାଯିବ। ଏହି ବୈଠକରେ ସଂଘର ଲଘୁ ଉଦ୍ୟୋଗ ଭାରତୀ, ସ୍ବଦେଶୀ ଜାଗରଣ ମଞ୍ଚ, କିଷାନ ସଂଘ, ସହକାର ଭାରତୀ ଭଳି ଅନ୍ୟାନ୍ୟ ସଂଗଠନର ଅଧିକାରୀମାନେ ମଧ୍ୟ ଯୋଗ ଦେବେ। ବୈଠକରେ ୫୦ରୁ ୬୦ ଜଣ ଅଧିକାରୀ ଭାଗ ନେବେ। ସମ୍ଭବତଃ ଭାଜପା ଓ କେନ୍ଦ୍ର ସରକାରର କିଛି ବରିଷ୍ଠ ନେତା ମଧ୍ୟ ବୈଠକରେ ଯୋଗ ଦେଇପାରନ୍ତି। ଏହି ବୈଠକ ଆମେରିକା ସହ ଭାରତର ଆର୍ଥିକ ସମ୍ପର୍କକୁ ନୂତନ ଦୃଷ୍ଟିକୋଣ ରେ ଆଲୋଚନା କରିବାକୁ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ହେବ।
