ନୂଆପଡ଼ା \ଭୁବନେଶ୍ୱର ;୩୦/୧୦/୨୦୨୫: ନୂଆପଡ଼ା ବିଧାନସଭା ନିର୍ବାଚନ ମଣ୍ଡଳୀର ଏକ ମହତ୍ତ୍ୱପୂର୍ଣ୍ଣ ପଞ୍ଚାୟତ ହେଉଛି କୁରୁମପୁରୀ । ଗତ ସରକାରରେ ଅଧୁରା ରହି ଯାଇଥିବା ବିକାଶ କାର୍ଯ୍ୟକୁ ରାଜ୍ୟର ଡବଲ ଇଂଜନ ସରକାର ପୂରଣ କରିବା ପାଇଁ ବଦ୍ଧପରିକର । କେନ୍ଦ୍ରର ମୋଦି ସରକାରଙ୍କ ପ୍ରତିଟି ଜନ କଲ୍ୟାଣକାରୀ ଯୋଜନାକୁ ଆପଣଙ୍କ ନିକଟରେ ପହଞ୍ଚାଇବେ ରାଜ୍ୟର ମୋହନ ସରକାର। ତେଣୁ ଆପଣଙ୍କ ବିଧାୟକ ଭାବେ ବିଜେପିର ପ୍ରାର୍ଥୀ ଜୟ ଢୋଲକିଆ ଭାଇଙ୍କୁ ଜିତାଇ ଆଣନ୍ତୁ ବୋଲି ପଞ୍ଚାୟତିରାଜ ବିଭାଗ ମନ୍ତ୍ରୀ ଶ୍ରୀ ରବି ନାରାୟଣ ନାୟକ ନୂଆପଡ଼ା ନିର୍ବାଚନ ମଣ୍ଡଳୀର କୋମନା ବ୍ଲକ ଅନ୍ତର୍ଗତ କୁରୁମପୁରୀ ପଞ୍ଚାୟତରେ ପଦଯାତ୍ରା କରି ଘରଘର ବୁଲି ଭୋଟରମାନଙ୍କୁ ଏହି ନିବେଦନ କରିଛନ୍ତି ।
ଏହି ଅବସରରେ ବିଧାୟକ ଗୌରୀଶଙ୍କର ମାଝୀ ଏବଂ ସ୍ଥାନୀୟ ନେତାମାନେ ପଦଯାତ୍ରାରେ ଯାଇ ଭୋଟରମାନଙ୍କୁ ବିଜେପିର ଡବଲ ଇଞ୍ଜିନ୍ ସରକାର ପାଇଁ ନିଜର ବିଧାୟକ ପଠାଇବାର ସୁଯୋଗକୁ ହାତଛଡା ନକରିବାକୁ କହିଥିଲେ। ଜୟ ଢୋଲକିଆ ଭାଇ ବିଧାୟକ ନିର୍ବାଚିତ ହୋଇ ଗଲେ ଲୋକଙ୍କର ସବୁ ଆବଶ୍ୟକତା ପୂରଣ ସହ ପଞ୍ଚାୟତ, ବ୍ଲକ ଓ ପୁରା ନିର୍ବାଚନ ମଣ୍ଡଳୀ ଵିକଶିତ ହେବ ବୋଲି ନିର୍ଭର ପ୍ରତିଶ୍ରୁତି ଦେଇଥିଲେ।
