ଭୁବନେଶ୍ୱର ,ଭାରତୀୟ ଦଳ ଏବେ,ନଭେମ୍ବର ୩୦ରୁ ଆରମ୍ଭ ହେଉଥିବା ତିନି ମ୍ୟାଚ୍ ବିଶିଷ୍ଟ ଦିନିକିଆ ସିରିଜ ପାଇଁ ମଇଦାନକୁ ଓହ୍ଲାଇବ। ଏହି ସିରିଜର ପ୍ରଥମ ମ୍ୟାଚ୍ ରାଞ୍ଚି ଷ୍ଟାଡିୟମରେ ଖେଳାଯିବ, ଯେଉଁଥିରେ ଶୁଭମନ ଗିଲଙ୍କ ଅନୁପସ୍ଥିତିରେ କେଏଲ ରାହୁଲ ଭାରତୀୟ ଦଳର ଅଧିନାୟକ ଦାୟିତ୍ୱ ଗ୍ରହଣ କରିବେ।
ରୋହିତ ଏବଂ କୋହଲି ଏହି ମ୍ୟାଚରେ ବଡ଼ ରେକର୍ଡ ମଧ୍ୟ ସ୍ଥାପନ କରିବେ। ସିରିଜରେ ରୋହିତ ଶର୍ମା ଏବଂ ବିରାଟ କୋହଲିଙ୍କ ପ୍ରଦର୍ଶନ ଉପରେ ସମସ୍ତଙ୍କ ନଜର ପୁଣି ଥରେ ରହିବ, ଯାହାକୁ ପ୍ରଶଂସକମାନେ ଆକ୍ସନରେ ଦେଖିବା ପାଇଁ ଉତ୍ସାହର ସହିତ ଅପେକ୍ଷା କରିଛନ୍ତି।
ସଚିନ ଏବଂ ଦ୍ରାବିଡ ଅନ୍ତର୍ଜାତୀୟ କ୍ରିକେଟରେ, ଏକାଠି ସମାନ ସଂଖ୍ୟକ ମ୍ୟାଚ୍ ଖେଳିଛନ୍ତି। ଏପରି ପରିସ୍ଥିତିରେ ଯେତେବେଳେ ରୋହିତ ଏବଂ କୋହଲି ରାଞ୍ଚି ଗ୍ରାଉଣ୍ଡରେ ଖେଳାଯିବାକୁ ଥିବା ଦକ୍ଷିଣ ଆଫ୍ରିକା ବିପକ୍ଷରେ ଦିନିକିଆ ସିରିଜର ପ୍ରଥମ ମ୍ୟାଚ୍ ଖେଳିବେ, ସେତେବେଳେ ଉଭୟ ମିଶି ଏକ ବଡ଼ ରେକର୍ଡ ସୃଷ୍ଟି କରିବେ ।ବର୍ତ୍ତମାନ ରୋହିତ ଏବଂ କୋହଲି ଭାରତ ପାଇଁ ଅନ୍ତର୍ଜାତୀୟ କ୍ରିକେଟରେ ସର୍ବାଧିକ ମ୍ୟାଚ୍ ଖେଳିବା ମାମଲାରେ ସଚିନ ତେନ୍ଦୁଲକର ଏବଂ ରାହୁଲ ଦ୍ରାବିଡଙ୍କ ସହ ମିଳିତ ଭାବରେ ନମ୍ବର ଏକ ସ୍ଥାନ ଅଧିକାର କରିଛନ୍ତି। ରୋହିତ ଏବଂ କୋହଲି ଏପର୍ଯ୍ୟନ୍ତ ଅନ୍ତର୍ଜାତୀୟ କ୍ରିକେଟର ତିନୋଟି ଫର୍ମାଟରେ ମୋଟ ୩୯୧ ମ୍ୟାଚ୍ ଖେଳିଛନ୍ତି ।
