ଭୁବନେଶ୍ୱର ,ଶୋଏବ ମାଲିକ ପାକିସ୍ତାନର 2009 ଆଇସିସି ଟି20 ବିଶ୍ୱକପ୍ ବିଜୟୀ ଦଳର ଜଣେ ପ୍ରମୁଖ ଅଂଶ ଥିଲେ। ତାଙ୍କ କ୍ୟାରିୟର ସମୟରେ, ସେ ତିନୋଟି ଫର୍ମାଟରେ ପାକିସ୍ତାନର ଅଧିନାୟକତ୍ୱ କରିଥିଲେ। 1999 ମସିହାରେ ଦିନିକିଆ ଡେବ୍ୟୁ କରିଥିବା ସୋଏବ ପାକିସ୍ତାନ ପାଇଁ 446 ଅନ୍ତର୍ଜାତୀୟ ମ୍ୟାଚ୍ ଖେଳି 12 ଶତକ ଏବଂ 61 ଅର୍ଦ୍ଧଶତକ ସହିତ 11,867 ରନ କରିଥିଲେ। ସେ ବଲ ସହିତ 218 ୱିକେଟ୍ ମଧ୍ୟ ନେଇଥିଲେ।ପାକିସ୍ତାନର ଅଭିଜ୍ଞ କ୍ରିକେଟର ଏବଂ ଜୁର୍ଦ୍ଦଶ ଅଲରାଉଣ୍ଡର ସୋଏବ ମାଲିକ ପାକିସ୍ତାନ ସୁପର ଲିଗ୍ (PSL) ରୁ ତାଙ୍କର ଅବସର ଘୋଷଣା କରିଛନ୍ତି। ମଲିକ PSL ର ଐତିହାସିକ ୧୧ତମ ସିଜିନ ପୂର୍ବରୁ ଏହି ନିଷ୍ପତ୍ତି ନେଇଛନ୍ତି ଏବଂ ସୋସିଆଲ ମିଡିଆ ମାଧ୍ୟମରେ ପ୍ରଶଂସକଙ୍କ ସହ ଏହି ଖବର ସେୟାର କରିଛନ୍ତି। ସୋଏବ ମାଲିକଙ୍କ ଅବସର ସହିତ, PSL ରେ ଏକ ସୁବର୍ଣ୍ଣ ଅଧ୍ୟାୟର ଅନ୍ତ ଘଟିଛି।ଶୋଏବ ମାଲିକ PSL ରେ ତାଙ୍କର ଦଶ ବର୍ଷ ଧରି ଯାତ୍ରାକୁ ମନେ ପକାଇ ଏକ ଭାବପ୍ରବଣ ପୋଷ୍ଟ ଲେଖିଛନ୍ତି ।ଶୋଏବ ମାଲିକ PSL ରେ ଏକ ପ୍ରଭାବଶାଳୀ ରେକର୍ଡ ରଖିଛନ୍ତି। ସେ ଲିଗ୍ ଇତିହାସରେ ଚତୁର୍ଥ ସର୍ବାଧିକ ରନ ସ୍କୋରର। ମଲିକ 92 ମ୍ୟାଚରେ 33.09 ହାରରେ 2,350 ରନ କରିଛନ୍ତି। ସେ ତାଙ୍କର ଅଲରାଉଣ୍ଡ କ୍ଷମତା ପ୍ରଦର୍ଶନ କରି 17 ୱିକେଟ ମଧ୍ୟ ନେଇଛନ୍ତି। ମୋଟାମୋଟି ଭାବରେ, ସୋଏବ ମାଲିକ T20 କ୍ରିକେଟ ଇତିହାସରେ ଷଷ୍ଠ ସର୍ବାଧିକ ରନ ସ୍କୋରର। ତାଙ୍କର 13,571 ରନ, 83 ଅର୍ଦ୍ଧଶତକ ଏବଂ 127.24 ଷ୍ଟ୍ରାଇକ୍ ରେଟ୍ ଅଛି।
