ଭୁବନେଶ୍ୱର ,ଭାରତୀୟ ରେଳବାଇ ମେ ଏବଂ ଜୁନ୍ ମାସ ପାଇଁ ବିଭିନ୍ନ ରୁଟରେ ଅନେକ ଟ୍ରେନ୍ ବାତିଲ୍ କରିଛି। ପୁଲ୍ ଓ ରେଳ ଟ୍ରାକ୍ର ସୁରକ୍ଷା ସମ୍ପର୍କିତ କାମ ଚାଲିଥିବାରୁ ଏହି ନିଷ୍ପତ୍ତି ନିଆଯାଇଛି। ଏହାର ପ୍ରଭାବରେ ଜମ୍ମୁ, କାଠଗୋଡାମ୍, କାନପୁର ଓ ଗାଜୀପୁର ରୁଟ୍ରେ ଚଳାଚଳ କରୁଥିବା କିଛି ଗୁରୁତ୍ୱପୂର୍ଣ୍ଣ ଏକ୍ସପ୍ରେସ୍ ଟ୍ରେନ୍ ସାମୟିକ ଭାବେ ବନ୍ଦ ରହିବ।ଜମ୍ମୁ ତାୱି ରେଳ ଡିଭିଜନରେ ଚାଲିଥିବା ଇଞ୍ଜିନିୟରିଂ କାର୍ଯ୍ୟ ଯୋଗୁଁ, ଅନେକ ଟ୍ରେନ୍ ବାତିଲ୍ ଅବଧି ଜୁନ୍ ପର୍ଯ୍ୟନ୍ତ ବୃଦ୍ଧି କରାଯାଇଛି। ଏହା ଟ୍ରେନ ଯାତ୍ରା ଉପରେ ସାମାନ୍ୟ ପ୍ରଭାବ ପକାଇପାରେ।ଯଦି ଆପଣ ଆଗାମୀ ମାସ ପାଇଁ ଟିକେଟ୍ ବୁକ୍ କରିଛନ୍ତି, ତେବେ ଘରୁ ବାହାରିବା ପୂର୍ବରୁ ବାତିଲ୍ ହୋଇଥିବା ଟ୍ରେନ୍ଗୁଡ଼ିକର ଏହି ତାଲିକାକୁ ଭଲଭାବରେ ସମୀକ୍ଷା କରନ୍ତୁ, ଯାହା ଦ୍ଵାରା ଷ୍ଟେସନରେ ପହଞ୍ଚିବା ସମୟରେ ଆପଣଙ୍କୁ ଯେପରି କୌଣସି ସମସ୍ୟାର ସମ୍ମୁଖୀନ ହେବାକୁ ନପଡ଼େ । ଯାତ୍ରାରେ ବାହାରିବା ପୂର୍ବରୁ IRCTC ୱେବସାଇଟ୍, NTES ଆପ୍ କିମ୍ବା 139 ହେଲ୍ପଲାଇନ୍ ମାଧ୍ୟମରେ ନିଜ ଟ୍ରେନ୍ର ସ୍ଥିତି ନିଶ୍ଚିତ ଭାବେ ଯାଞ୍ଚ କରନ୍ତୁ, ଯାହାଦ୍ୱାରା ଅସୁବିଧାରୁ ରକ୍ଷା ପାଇଯିବ।
