ଭୁବନେଶ୍ୱର: ସସ୍ମିତଙ୍କ ୱାକଫ୍ ଭୋଟ ପରେ ଏବେ ଟଳମଳ ବିଜେଡି । କେଉଁଠି ସାଂସଦଙ୍କ ଭିତରେ ଫାଟ ତ ଆଉ କେଉଁଠି ନେତା ନେତା ଭିତରେ ବିବାଦ । ଯାହା ଏବେ ସ୍ପଷ୍ଟ ବାରି ହୋଇ ପଡିଛି । ଫଳରେ ଏନେଇ ହଲଚଲ ହୋଇଯାଇଛି ବିଜେଡି ଶିବିର । ଦଳରେ କିଛି ଠିକ୍ ନାହିଁ ବୋଲି ମତ ଦେଲେଣି ସମୀକ୍ଷକ । ଏହାରି ଭିତରେ ଏବେ ଚଳଚଂଚଳ ହୋଇଛି ନବୀନ ନିବାସ । ଲାଗିଛି ବରିଷ୍ଠଙ୍କ ମେଳି । ଜଣଙ୍କ ପରେ ଜେଣେ ବଡ ବଡ ନେତା ପହଂଚୁଛନ୍ତି । ନବୀନଙ୍କୁ ଭେଟିଛନ୍ତି ପ୍ରସନ୍ନ ଆଚାର୍ୟ୍ୟ, ଅନଙ୍ଗ ଉଦୟ ସିଂଦେଓ, କଳିକେଶ ନାରାୟଣ ସିଂଦେଓ ପ୍ରମୁଖ ନେତା । ଆଉ ଦଳର ସ୍ଥିତି ନେଇ ସୁପ୍ରିମୋଙ୍କ ସହ କରିଛନ୍ତି ଆଲୋଚନା । କାରଣ ରାଜ୍ୟସଭାରେ ୱାକଫ୍ ବିଲ୍ ଭୋଟିଂକୁ ନେଇ ବିଜେଡିରେ ଲାଗି ରହିଛି ବିବାଦ । ଗତକାଲି ଏନେଇ ନିଜ ସମର୍ଥକଙ୍କ ସହ ନବୀନଙ୍କୁ ଭେଟିଥିଲେ ମୁନ୍ନା ଖାଁ । ସାଂସଦ ସସ୍ମିତ ପାତ୍ର ବିଲ୍ ସପକ୍ଷରେ ଭୋଟ୍ ଦେବା ଏବଂ ଦେବାଶିଷ ସାମନ୍ତରାୟ ଦଳର ବିବେକାନୁମୋଦିତ ଭୋଟଦାନ ନିଷ୍ପତିକୁ ବିରୋଧ କରି ଭୋଟ ଦାନରୁ ନିବୃତ୍ତ ରହିବା, ରାଜ୍ୟ ରାଜନୀତିରେ ଉଠିଛି ଝଡ଼।
