ନୂଆପଡ଼ା() ନୂଆପଡା ଜିଲ୍ଲା ଗସ୍ତରେ ଓଡିଶା ପୋଲିସ ମହାନିର୍ଦ୍ଦେଶକ ସୁନିଲ କୁମାର ବଂଶଲ | ଡିଜି ନୂଆପଡାରେ ପହଞ୍ଚି ଏସପି ଅଫିସଠାରେ ପୋଲିସ ଅଧିକାରୀମାନଙ୍କୁ ନେଇ ଏକ ବୈଠକ କରିଛନ୍ତି। ପୋଲିସ ମହାନିର୍ଦ୍ଦେଶକ ବଂଶଲ, ଗୌତମା ହେଲିପେଡ଼ରେ ହେଲିକପ୍ଟରରେ ପହଞ୍ଚି ନୂଆପଡା ଏସପି ଅଫିସରେ ଅଧିକାରୀମାନଙ୍କୁ ନେଇ ମାଓ ଅପରେସନ ଓ ପଞ୍ଚାୟତ ନିବାଚନ ପାଇଁ ଆଲୋଚନା କରିଥିଲେ। ଏହି ବୈଠକରେ ଗୁଇନ୍ଦା ବିଭାଗ ନିର୍ଦ୍ଦେଶକ ଲଲିତ ଦାସ,ଆଇଜି ଅପରେସନ୍ ଅମିତାଭ ଠାକୁର, ଡ଼ିଆଇଜି ଅନିରୁଦ୍ଧ ସିଂ ଉପସ୍ଥିତ ଥିଲେ।
ଦୁଇ ଦିନ ତଳେ ସୁନାବେଡା ଅଭୟାରଣ୍ୟରେ ଯବାନ ଓ ମାଓବାଦୀ ମଧ୍ୟରେ ଗୁଳିବିନିମୟ ହୋଇଥିଲେ ମଧ୍ୟ କୌଣସି ଯବାନଙ୍କୁ ଆଘାତ ହୋଇନଥିବାବେଳେ କିଭଳି ମାଓବାଦୀଙ୍କୁ ଦମନ କରାଯାଇପାରିବ ସେ ନେଇ ଆଲୋଚନା କରିଥିଲେ | ପରେ ସିଲଧାଠାରେ ଧିବା ପୋଲିସ ରିଜର୍ଭ ପୋଲିସ ଅଫିସକୁ ଯାଇ ଯବାନମାନଙ୍କ ସହ ଆଲୋଚନା କରିଥିଲେ।
