ଘାନା ୦୩/ଜୁଲାଇ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗୁରୁବାର ଘାନା ଗଣରାଜ୍ୟର ସଂସଦକୁ ସମ୍ବୋଧିତ କରି ଭାରତ ଓ ଘାନା ମଧ୍ୟରେ ଦୀର୍ଘକାଳୀନ ଐତିହାସିକ, ମୌଳିକ ଏବଂ ଲୋକତାନ୍ତ୍ରିକ ମୂଲ୍ୟବୋଧର ସମ୍ପର୍କକୁ ଉଜାଗର କରିଥିଲେ। ସେ କହିଥିଲେ ଯେ ଘାନା ଭୂମି କେବଳ ସୁନା ପାଇଁ ନୁହେଁ, ବରଂ ଏହା ଲୋକଙ୍କ ଉଷ୍ମତା ଓ ଶକ୍ତି ପାଇଁ ପ୍ରସିଦ୍ଧ। ଭାରତକୁ ସବୁଠାରୁ ବଡ଼ ଲୋକତାନ୍ତ୍ରିକ ଦେଶ ଭାବରେ ଉପସ୍ଥାପନ କରି, ସେ ଘାନା ଜନତା ପାଇଁ ୧.୪ ବିଲିୟନ ଭାରତୀୟଙ୍କର ଶୁଭେଚ୍ଛା ଓ ଅଭିବାଦନ ନେଇଯାଇଥିଲେ।ପ୍ରଧାନମନ୍ତ୍ରୀ ମୋଦୀ ଘାନା ରାଷ୍ଟ୍ରପତି ଜନ୍ ଡ୍ରାମାନି ମହାମାଙ୍କଠାରୁ “ଅଫିସର ଅଫ୍ ଦି ଅର୍ଡର ଅଫ୍ ଦି ଷ୍ଟାର ଅଫ୍ ଘାନା” ନାମକ ଘାନାର ଜାତୀୟ ସମ୍ମାନ ଗ୍ରହଣ କରିଥିଲେ, ଯାହା ସେ ଭାରତର ଯୁବପିଢ଼ିଙ୍କ ଆଶା, ସାଂସ୍କୃତିକ ଐତିହ୍ୟ ଓ ବିବିଧତାକୁ ଉତ୍ସର୍ଗ କରିଥିଲେ। ଘାନା ଗଣରାଜ୍ୟର ପୂର୍ବତନ ନେତା ଡ଼. କ୍ୱାମେ ନକ୍ରୁମାଙ୍କୁ ଶ୍ରଦ୍ଧାଞ୍ଜଳି ଦେଇ ସେ ଲୋକତନ୍ତ୍ର ଓ ଏକତା ପ୍ରତି ତାଙ୍କର ଦୃଢ଼ ଆଶାକୁ ପୁନଃସ୍ଥାପିତ କରିଥିଲେ। ସେ କହିଥିଲେ, “ଏକ କରୁଥିବା ଶକ୍ତି ବିଭାଜିତ କରୁଥିବା ଶକ୍ତିଠାରୁ ଶକ୍ତିଶାଳୀ।” ଭାଷଣର ଶେଷରେ ପ୍ରଧାନମନ୍ତ୍ରୀ ମୋଦୀ ବିଶ୍ୱ ଶାସନରେ ନୂତନ ସଂସ୍କାର ଓ ବିଶ୍ୱ ଦକ୍ଷିଣର ଅବାଜ ସ୍ୱରକୁ ଗୁରୁତ୍ୱ ଦେବା ପ୍ରୟୋଜନୀୟତା ଉପରେ ଜୋର ଦେଇଥିଲେ। ସେ କହିଥିଲେ ଯେ ଏକ ଶକ୍ତିଶାଳୀ ଭାରତ, ଏକ ସ୍ଥିର ଓ ସମୃଦ୍ଧ ବିଶ୍ୱ ଗଠନରେ ମହତ୍ତ୍ୱପୂର୍ଣ୍ଣ ଅବଦାନ ରଖିପାରିବ। ପ୍ରଧାନମନ୍ତ୍ରୀଙ୍କ ଏହି ଯାତ୍ରା ଏବଂ ଭାଷଣ ଭାରତ ଓ ଘାନା ମଧ୍ୟରେ ଉତ୍ତରୋତ୍ତର ସାଂସ୍କୃତିକ ଓ ରାଜନୈତିକ ସମ୍ପର୍କ ବୃଦ୍ଧି ପାଇଁ ଏକ ମଜବୁତ ଆଧାର ସୃଷ୍ଟି କରିଛି।
