ନୂଆଦିଲ୍ଲୀ: ସୁପରହିଟ୍ ତେଲୁଗୁ ଫିଲ୍ମ ପୁଷ୍ପାର ଭିଡିଓ ବର୍ତ୍ତମାନ ଟ୍ରେଣ୍ଡରେ ରହିଛି । ପ୍ରଥମେ ବାଂଲାଦେଶ ପ୍ରିମିୟର ଲିଗରେ ଜଣେ ବୋଲର ଏହି ଷ୍ଟାଇଲ ଦେଖାଇଥିଲେ । ପରେ ଡେଭିଡ୍ ୱାର୍ଣ୍ଣର ଓ ରବୀନ୍ଦ୍ର ଜାଡେଜାଙ୍କ ପରି କ୍ରିକେଟର ମଧ୍ୟ ପୁଷ୍ପା ଟ୍ରେଣ୍ଡରେ ସାମିଲ ହୋଇଥିଲେ । ଏପରିକି ବର୍ତ୍ତମାନ ଭାରତୀୟ ଦଳରେ ଖେଳୁଥିବା ସୂର୍ଯ୍ୟ କୁମାର ଯାଦବ ଏବଂ ଇଶାନ କିଶାନ ମଧ୍ୟ ଏହି ଗୀତରେ ରିଲ ବନାଇ ସାରିଛନ୍ତି । ତେବେ ସମସ୍ତଙ୍କୁ ପଛରେ ପକାଇଛନ୍ତି ପୂର୍ବତନ ଭାରତୀୟ ଅଧିନାୟକ ବିରାଟ କୋହଲି । ୱେଷ୍ଟ ଇଣ୍ଡିଜ ବିପକ୍ଷ ଦ୍ୱିତୀୟ ଦିନିକିଆରେ ନିଆରା ଅନ୍ଦାଜରେ ଶ୍ରୀବଲ୍ଲୀ ଗୀତରେ ନାଚିଛନ୍ତି କୋହଲି ।
