ନୂଆଦିଲ୍ଲୀ() ଭାରତୀୟଙ୍କ ମଧ୍ୟରେ ଦିନକୁ ଦିନ ବଢୁଥିବା ମେଦବହୁଳତାକୁ ନେଇ ନୀତି ଆୟୋଗ ଚିନ୍ତା ପ୍ରକଟ କରିଛି | ତେଣୁ ଚିନି ଓ ଲୁଣ ଅଧିକ ଥିବା ଖାଦ୍ୟ ଉପରେ ଟିକସ ବଢାଇବାକୁ ନୀତି ଆୟୋଗ ବିଚାର କରୁଛି | କେବଳ ଏତିକି ନୁହେଁ ବରଂ ‘ଫ୍ରଣ୍ଟ-ଅଫ୍-ଦି-ପ୍ୟାକ୍ ଲେବେଲିଂ’ ଭଳି ପଦକ୍ଷେପ ନେବାକୁ ନୀତି ଆୟୋଗ ବିଚାର କରୁଛି | ଫ୍ରଣ୍ଟ-ଅଫ୍-ଦି-ପ୍ୟାକ୍ ଲେବେଲିଂ ଅର୍ଥାତ ଗ୍ରାହକଙ୍କୁ ଅଧିକ ଚିନି, ଲୁଣ ଏବଂ ଚର୍ବି ଥିବା ଉତ୍ପାଦ ଚିହ୍ନଟ କରିବାରେ ସାହାଯ୍ୟ କରିଥାଏ। ମେଦବହୁଳତା ଯୋଗୁଁ ଭାରତରେ ଶିଶୁ, କିଶୋର ଏବଂ ମହିଳାମାନଙ୍କ ସ୍ୱାସ୍ଥ୍ୟ ଉପରେ ପ୍ରଭାବ ପଡୁଥିବା ନେଇ କମିଶନ ରିପୋର୍ଟରେ କହିଛନ୍ତି।
ରିପୋର୍ଟରେ କୁହାଯାଇଛି ଯେ ମହିଳା, କିଶୋର ଏବଂ ପିଲାମାନଙ୍କୁ ମେଦବହୁଳତାରୁ ରକ୍ଷା କରିବା ପାଇଁ କମିଶନ ସହଯୋଗରେ ଆର୍ଥିକ ବିକାଶ ପ୍ରତିଷ୍ଠାନ (IEG) ଏବଂ ଜନସ୍ୱାସ୍ଥ୍ୟ ସଂଗଠନ କାର୍ଯ୍ୟ କରୁଛନ୍ତି | ଏହା ମାଧ୍ୟମରେ ପଦକ୍ଷେପ ନେବାକୁ ବିଚାର କରାଯାଉଛି | ଏହି ପଦକ୍ଷେପଗୁଡ଼ିକରେ ଫ୍ରଣ୍ଟ୍ ଅଫ୍ ପ୍ୟାକ୍ ଲେବେଲିଂ ସହ ଚିନି ଏବଂ ଲୁଣ ପଦାର୍ଥ ସହିତ ଉତ୍ପାଦ ଉପରେ ଟିକସ ବଢ଼ାଇବାକୁ ଯୋଜନା କରାଯାଉଛି |
