ନୂଆଦିଲ୍ଲୀ() ଭାରତୀୟ କ୍ରିକେଟ ଟିମର ୱିକେଟ୍ କିପର ତଥା ବ୍ୟାଟ୍ସମ୍ୟାନ ଈଶାନ କିଶନ ଗୁରୁତର। ମ୍ୟାଚ୍ ବେଳେ ତାଙ୍କ ହେଲମେଟରେ ଆଘାତ ଲାଗିବା ପରେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି। ତାଙ୍କ ମୁଣ୍ଡର ଏମ୍ଆର୍ଆଇ କରାଯାଇଛି। ସେ ଏବେ ସୁସ୍ଥ ଥିବା କୁହାଯାଉଛି।
ଗତକାଲି ଧର୍ମଶାଳାରେ ଭାରତ-ଶ୍ରୀଲଙ୍କା ଦ୍ୱିତୀୟ ଟି-20 ମ୍ୟାଚ୍ ଖେଳାଯାଇଥିଲା। ଏହି ସମୟରେ ଲାହିରା କୁମାରଙ୍କ ଏକ ବାଉନସର ବଲ୍ ଈଶାନଙ୍କ ମୁଣ୍ଡରେ ବାଜିଥଲା। ଏହାପରେ ସେ ମାତ୍ର ଦୁଇ ରନ୍ କରି ମୋଟ୍ ଉପରେ ୧୬ ରନ କରି ଆଉଟ୍ ହୋଇଥିଲେ।
ଏହାପରେ କିଶନଙ୍କୁ ହିମାଚଳ ପ୍ରଦେଶର କାଙ୍ଗ୍ରାସ୍ଥିତ ଏକ ହସ୍ପିଟାଲକୁ ନିଆଯାଇଥିଲା। ଡାକ୍ତର ଶୁଭମ କହିଛନ୍ତି, ତାଙ୍କୁ ଟିମ୍ ଇଣ୍ଡିଆ ସହିତ ଯୋଡା ଯାଇଛି। ଖେଳିବା ବେଳେ ମୁଣ୍ଡରେ ଆଘାତ ଲାଗିବାରୁ ଜଣେ ଭାରତୀୟ ଖେଳାଳିଙ୍କୁ ଏଠାକୁ ଅଣାଯାଇଛି। ତାଙ୍କର ସିଟି ସ୍କାନ୍ କରାଯାଇ ଅବଜର ଭେସନରେ ରଖାଯାଇଛି।
— Rishobpuant (@rishobpuant) February 26, 2022
ଈଶାନ କିଶନଙ୍କ ବ୍ୟତୀତ ଶ୍ରୀଲଙ୍କାର ବ୍ୟାଟ୍ସମ୍ୟାନ୍ ଦିନେଶ ଚାନ୍ଦିମାଲଙ୍କୁ ମଧ୍ୟ ହସ୍ପିଟାଲ ନିଆଯାଇଛି। ଦ୍ୱିତୀୟ ଟି-20ରେ ଫିଲ୍ଡିଂ କରୁଥିବା ବେଳେ ତାଙ୍କ ଆଙ୍ଗୁଠିରେ ଆଘାତ ଲାଗିଥିଲା। ଦ୍ୱିତୀୟ ମ୍ୟାଚରେ ଶ୍ରୀଲଙ୍କାର ଜଣେ ଖେଳାଳିଙ୍କ ଆଙ୍ଗୁଠିରେ ଆଘାତ ଲାଗିଥିବାରୁ ତାଙ୍କୁ ମଧ୍ୟ ହସ୍ପିଟାଲରେ ଭର୍ତ୍ତି କରାଯାଇଥିବା ଡାକ୍ତର କହିଛନ୍ତି।
ତେଣୁ ଆଜି ଖେଳାଯିବାକୁ ଥିବା ତୃତୀୟ ଟି-20 ମ୍ୟାଚରେ ଈଶାନ ଖେଳି ନପାରନ୍ତି। ଭାରତର ଅନେକ ଖେଳାଳି ଗୋଟିଏ ପରେ ଗୋଟିଏ ଆଘାତ ହେଉଛନ୍ତି। ଦୀପକ ଚହର, ଋତୁରାଜ ଗାଏକ୍ୱାଡ୍ ଓ ସୂର୍ଯ୍ୟକୁମାର ଯାଦବ ମ୍ୟାଚ୍ ଆରମ୍ଭ ହେବାର କିଛି ସମୟ ପୂର୍ବରୁ ଆହତ ହୋଇ ଦଳରୁ ବାଦ୍ ପଡ଼ିଥିଲେ। ଏବେ ଦେଖିବାକୁ ବାକି ରହିଲା ଈଶାନ କିଷାନଙ୍କ ଆଘାତ ଗୁରୁତର କି ନୁହେଁ। ଯଦି ଈଶାନ ଆଜି ନଖେଳିବେ ତେବେ ତାଙ୍କ ସ୍ଥାନରେ ମୟଙ୍କ ଅଗ୍ରୱାଲଙ୍କୁ ଦଳରେ ସାମିଲ କରାଯାଇପାରେ।
ପ୍ରଥମ ଦୁଇଟି ମ୍ୟାଚ୍ ଜିତି ଭାରତ ଟ୍ୱେଣ୍ଟି-20 ଶୃଙ୍ଖଳା ଜିତି ସାରିଛି। ସିରିଜର ତୃତୀୟ ତଥା ଅନ୍ତିମ ମ୍ୟାଚ୍ ବି ରବିବାର ଧର୍ମଶାଳାରେ ଖେଳାଯିବ।
