‘ଦ କାଶ୍ମୀର ଫାଇଲ’ ରିଲିଜ୍ ପରେ ପୀଡିତ ପଣ୍ଡିତଙ୍କୁ କ୍ଷମା ମାଗିଲେ କାଶ୍ମୀର ଲେଖକ ଜାଭେଦ୍, କହିଲେ- ଘଟଣାର ମୁଁ ଜଣେ ସାକ୍ଷୀ, ତାଙ୍କ ସହ ହୋଇଛି ଅପରାଧ
ନୂଆଦିଲ୍ଳୀ() ବର୍ତ୍ତମାନ ଦେଶରେ ହିଁ ନୁହେଁ ସାରା ବିଶ୍ବରେ ଫିଲ୍ମ ‘ ଦ କାଶ୍ମୀର ଫାଇଲ’କୁ ନେଇ ଚର୍ଚ୍ଚା । ସମସ୍ତେ ଫିଲ୍ମ ଦେଖିବା ମାତ୍ରେ ଭାବପ୍ରବଣ ହେଉଛନ୍ତି। ଦର୍ଶକମାନେ ଏହାକୁ ବେଶ ପସନ୍ଦ କରୁଥିବା ବେଳେ ଦିନକୁ ଦିନ ଏହାର ବ୍ୟବସାୟ ବଢ଼ିବାରେ ଲାଗିଛି। ହେଲେ ଏବେ କାଶ୍ମୀର ପଣ୍ଡିତଙ୍କ ପ୍ରତି ହୋଇଥିବା ଅତ୍ୟାଚାର ପୁଣିଥରେ ଚର୍ଚ୍ଚାର ବିଷୟ ପାଲଟିଛି। ବର୍ତ୍ତମାନ କାଶ୍ମୀର ଲେଖକ ଜାଭେଦ୍ ବାଗଙ୍କ ଏକ ଟ୍ୱିଟ୍ ଭାଇରାଲ୍ ହୋଇଛି। ସୋସିଆଲ ମିଡିଆରେ ହାତ ଯୋଡି କାଶ୍ମୀରୀ ପଣ୍ଡିତଙ୍କ ନିକଟରେ କ୍ଷମା ପ୍ରାର୍ଥନା କରିଛନ୍ତି। ଯାହା ବର୍ତ୍ତମାନ ଭାଇରାଲ୍ ହେବାରେ ଲାଗିଛି ।
କାଶ୍ମୀର ଫାଇଲକୁ ନେଇ ସୋସିଆଲ ମିଡିଆ ଦୁଇଟି ଭାଗରେ ବିଭକ୍ତ କରାଯାଇଛି । କିଛି ଲୋକ ଫିଲ୍ମର ପ୍ରଚାର ଏବଂ ମୁସଲମାନ ବିରୋଧୀ ବୋଲି କହୁଥିବାବେଳେ ଅନେକ ଲୋକ ଏହାକୁ ସମର୍ଥନ କରୁଛନ୍ତି। ଏହାରି ମଧ୍ୟରେ କାଶ୍ମୀରୀ ମୁସଲମାନ ଲେଖକ ଜାଭେଦ୍ ବାଗଙ୍କ କିଛି ଟ୍ୱିଟ୍ ଚର୍ଚ୍ଚାରେ ଅଛି। ଯାହାକୁ ନେଇ ସେ ଲେଖିଛନ୍ତି, ମୁଁ ଜଣେ କାଶ୍ମୀରୀ ମୁସଲମାନ। ଆମ ଭଉଣୀ ଗିରଜା ଟିକ୍କୁଙ୍କ ଜୀବନରୁ ମାରି ଦେଇଥିଲେ । କାଶ୍ମୀରୀ ମୁସଲମାନ ପରିବାରଙ୍କ ଦ୍ବାରା ଏହା କରାଯାଇଥିଲା, ଯେଉଁମାନଙ୍କ ହାତରେ ପାକିସ୍ତାନ ସ୍ୱାଧୀନତା ନାମରେ ବନ୍ଧୁକ ଦେଇଥିଲା। ଏହା ସତ୍ୟତା ଅଟେ ପ୍ରଚାର ପାଇଁ ନୁହେଁ । ଏହା ସହ କହିଛନ୍ତି କି ଯୁବକମାନେ ସେମାନଙ୍କ ପିତାମାତାଙ୍କ ଦ୍ୱାରା କରାଯାଇଥିବା ଭୁଲଗୁଡ଼ିକୁ ଗ୍ରହଣ କରିବା ଉଚିତ୍। ପଣ୍ଡିତମାନଙ୍କ ସହିତ ବହୁତ ବଡ ଅପରାଧ ହୋଇଛି । କେହି ଏହାକୁ କୁହନ୍ତୁ କି ନକୁହନ୍ତୁ କିନ୍ତୁ ସତ ସତ ହିଁ ରୁହେ । ମୁଁ ହାତ ଯୋଡି ପଣ୍ଡିତମାନଙ୍କୁ କ୍ଷମା ମାଗୁଛି ।
Kashmiri Muslim activist @Javedbeigh says Kashmiri Muslims should confess to their crime of genocide of Kashmiri Pandits and publicly apologise. Javed is witness to 1997 massacre of Kashmiri Hindus. Collective apology for crimes against humanity need of the hour. #TheKashmirFiles pic.twitter.com/5fX30idD2e
— Aditya Raj Kaul (@AdityaRajKaul) March 16, 2022
କାଶ୍ମୀରୀ ପଣ୍ଡିତମାନେ ଆମର ନିଜର । ଏପରିକି ପଶୁମାନେ ମଧ୍ୟ ପଶୁମାନଙ୍କୁ ହତ୍ୟା କରନ୍ତି ନାହିଁ । ଏଥିପାଇଁ ଆମେ ସମସ୍ତେ ମିଳିତ ଭାବେ କାଶ୍ମୀରୀ ପଣ୍ଡିତମାନଙ୍କ ନିକଟରେ କ୍ଷମା ପ୍ରାର୍ଥନା କରିବା ଉଚିତ୍ । ଏଥିପାଇଁ କୌଣସି ଚଳଚ୍ଚିତ୍ରର ଆବଶ୍ୟକତା ନାହିଁ । ଏହା ମଧ୍ୟ ଇସଲାମରେ ଲେଖା ହୋଇଛି ଯେ ଯଦି କୌଣସି ସ୍ଥାନରେ ଯୁଦ୍ଧ ହୁଏ ଏବଂ ଆପଣଙ୍କ ଅଞ୍ଚଳରେ ଜଣେ ଅଣ-ମୁସଲମାନ ଅଛନ୍ତି, ତେବେ ତାଙ୍କର ସମ୍ମାନ, ଜୀବନ ଏବଂ ସମ୍ପତ୍ତି ରକ୍ଷା କରିବା ଆପଣଙ୍କର କର୍ତ୍ତବ୍ୟ ଅଟେ।
