ନୂଆଦିଲ୍ଲୀ() ଗୁରୁବାର ଦିନ ସମ୍ପତ୍ତି ବିବାଦରେ ଶୁଣାଣି କରି ଦିଲ୍ଲୀର ଏକ କୋର୍ଟ ବଡ଼ ରାୟ ଶୁଣାଇଛନ୍ତି । କୋର୍ଟଙ୍କ କହିବା ମୁତାବକ, ଝିଅର ମୃତ୍ୟୁ ପରେ ବି ପିତାଙ୍କ ସମ୍ପତ୍ତିରେ ଜ୍ୱାଇଁ ଓ ନାତିଙ୍କ ଅଧିକାର ରହିବ । ରାୟ ଶୁଣାଇବା ସହ ପରବର୍ତ୍ତୀ ଆଦେଶ ପର୍ଯ୍ୟନ୍ତ ଦ୍ୱିତୀୟ ପକ୍ଷଙ୍କୁ ସମ୍ପତ୍ତି ବିକ୍ରି ବା କୌଣସି ଅନ୍ୟ ଅଧିକାରୀକୁ ସ୍ଥଗିତ କରାଯାଇଛି ।
କୋର୍ଟ ଶୁଣାଣି କରୁଥିବା ବେଳେ କହିଛନ୍ତି ଯେ, ଯଦି ଝିଅର ମୃତ୍ୟୁ ହୋଇଛି, ତେବେ ତାଙ୍କ ପିତାଙ୍କ ସମ୍ପତ୍ତିରେ ସ୍ୱାମୀ ଓ ଛୁଆଙ୍କର ଅଧିକାର ରହିଛି । ଏପରି ପରିସ୍ଥିତିରେ ସମ୍ପତ୍ତିିରେ ଅଂଶ ନିର୍ଦ୍ଧାରଣ ନହେବା ପର୍ଯ୍ୟନ୍ତ ଦ୍ୱିତୀୟ ପକ୍ଷ କୌଣସି ସମ୍ପତ୍ତି ବିକ୍ରି କରିପାରିବେ ନାହିଁ ।
ଏହା ସହ କୋର୍ଟ କହିଛନ୍ତି ଯେ, ଆବେଦନକାରୀଙ୍କ ମା ତାଙ୍କ ପିତାଙ୍କ ସମ୍ପତ୍ତିର ଉତ୍ତରାଧିକାରୀ ଥିଲେ । ଏପରି ପରିସ୍ଥିତିରେ ସେୟାରର ଏକ ତୃତୀୟାଂଶ ଉପରେ ତାଙ୍କର ମଧ୍ୟ ଅଧିକାର ରହିଛି । ଏଥି ସହିତ ସମ୍ପୃକ୍ତ କାର୍ଯ୍ୟାଳୟ ଦ୍ୱାରା ମାମଲାର ପରବର୍ତ୍ତୀ ତାରିଖ ସୁଦ୍ଧା ସମସ୍ତ ସମ୍ପତ୍ତିର ମୂଲ୍ୟାଙ୍କନ କରିବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି । ଏହା ସହ ପରବର୍ତ୍ତୀ ନିର୍ଦ୍ଦେଶ ପର୍ଯ୍ୟନ୍ତ ସମ୍ପତ୍ତି ବିକ୍ରୟକୁ ମନା କରାଯାଇଛି ।
