ରିଲିଜ୍ ହେବାକୁ ଯାଉଛି ଏଚ୍ଏମ୍ଟି ପ୍ରଡକ୍ସନ୍ ବ୍ୟାନରର ବହୁଚର୍ଚ୍ଚିତ ଓ ବହୁ ପ୍ରତୀକ୍ଷିତ ଓଡ଼ିଆ ଫିଲ୍ମ ‘ବିଶ୍ୱନାଥ’
() ରିଲିଜ୍ ହେବାକୁ ଯାଉଛି ଏଚ୍ଏମ୍ଟି ପ୍ରଡକ୍ସନ୍ ବ୍ୟାନରର ବହୁଚର୍ଚ୍ଚିତ ଓ ବହୁ ପ୍ରତୀକ୍ଷିତ ଓଡ଼ିଆ ଫିଲ୍ମ- ବିଶ୍ୱନାଥ । ତେବେ ଫିଲ୍ମ ସେଟ୍ ରୁ କିଛି ସ୍ନିକ୍ ପିକ୍ ଦେଖିବାର ମଜା ନିଶ୍ଚୟ ଏକ ନିଆରା ଅନୁଭୂତି । ତେବେ ବେଳେ ବେଳେ ଆଶାଠାରୁ ଅଧିକ କିଛି ମିଳିଗଲେ ଦିନଟା ବେଶ୍ ସ୍ପେଶାଲ୍ ହେଇଯାଏ । ଯେମିତିକି ଆଜି ଆମେ ସୁଟିଂ ସେଟ୍ ରେ ଦେଖିଲୁ ଓଲିଉଡ୍ ଜଗତର ପ୍ରତିଭାବାନ୍ କଳାକାର ସ୍ବର୍ଗତ ମିହିର ଦାସଙ୍କ ଚରିତ୍ରର କିଛି ଝଲକ୍ । ସେ ଆଉ ଆମ ଗହଣରେ ନାହାନ୍ତି କିନ୍ତୁ ତାଙ୍କର ଏଇ ଅମର ଚରିତ୍ର ଆମ ପାଖରେ ସବୁଦିନ ପାଇଁ ଅଭୁଲା ସ୍ମୃତି ହେଇ ରହିଯିବ । ତେଣୁ ଏ ସବୁ ଖାସ୍ ମୁହୂର୍ତ୍ତ ଆମ ଦର୍ଶକ ଓ ପାଠକଙ୍କ ସହ ସେୟାର୍ କରିବାରେ ଆଉ ଡେରି କାହିଁକି । ଏହାସହ ଦେଖନ୍ତୁ ବିଶ୍ବନାଥ ଫିଲ୍ମର ଆଉ କିଛି ଖଟାମିଠା, ହସ-କାନ୍ଦ, ମଜା ମଉଜ ଓ ଟାଇଟ୍-ଫାଇଟ୍ ର କ୍ୟାମେରା ପଛର କାହାଣୀ ।
ଖୁବ୍ ଶୀଘ୍ର ଥିଏଟର୍ ପରଦାରେ ବିଶ୍ବନାଥ ଦେଖିବା ପୂର୍ବରୁ, ଆଉ କିଛି ଏମିତି ରୋମାଞ୍ଚକର ସିନ୍ ଆମେ ନେଇଆସିବୁ ଖାସ୍ ଆପଣଙ୍କ ପାଇଁ । ସୁଟିଂ ସେଟ୍ ର କିଛି ଭିତିରି ଓ ନୂଆ କିଛି ସିକ୍ରେଟ୍ ସହ…। ବିଶ୍ବନାଥର ଲିଡ୍ ରେ ଅଛନ୍ତି ସମ୍ବିତ ଓ ଚୁଲବୁଲି ନାୟିକା ସମ୍ବାବନା । ସେହିଭଳି ଫିଲ୍ମର ଅନ୍ୟାନ ପ୍ରମୁଖ ଭୂମିକାରେ ଅଛନ୍ତି ପ୍ରତିଭା ପଣ୍ଡା, ରାଇମହନ, ମନୀଷା ମିଶ୍ର, ପୃଥ୍ବୀôରାଜ, ଚୌଧୁରୀ ବିକାଶ ପାଣି ଓ ପିଣ୍ଟୁ ନନ୍ଦ। ଡିଏସ୍ ଗୌଡ ପ୍ରଯୋଜନା କରିଥିବା ବେଳେ ନିର୍ଦ୍ଦେଶକ ହେଉଛନ୍ତି ବବଲି କିରନ୍ । ଏହାର ସଂଳାପ ରଚନା ଡଃ ରଜନୀରଞ୍ଜନ ଓ ସ୍ୱର ସଂଯୋଜନା କରିଛନ୍ତି ଅଭିଜିଦ ମଜୁମଦ ..
