ଭିଜିଲାନ୍ସ ଚଢ଼ାଉ ବେଳେ ପଡ଼ୋଶୀଙ୍କ ଛାତକୁ ଡେଇଁ ଫେରାର୍ ହେଲେ କନିଷ୍ଠ ଯନ୍ତ୍ରୀ । ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଭୁବନେଶ୍ବର ଗ୍ରାମ୍ୟ ଜଳ ଯୋଗାଣ ବିଭାଗ କନିଷ୍ଠ ଯନ୍ତ୍ରୀ ସୁନୀଲ ପାଢ଼ୀଙ୍କ ଘରେ ଭିଜିଲାନ୍ସ ଚଢ଼ାଉ କରିଛି । ଭୁବନେଶ୍ବର ସ୍ପେଶାଲ ଜଜଙ୍କ ଓ୍ବାରେଣ୍ଟ ବଳରେ ଭୁବନେଶ୍ବର ଓ ଗଞ୍ଜାମ ସମେତ ୫ଟି ଜାଗାରେ ଚଢାଉ କରିଛି ଭିଜିଲାନ୍ସ ।
ଭୁବନେଶ୍ବର ଜାଗମରା ମଲ୍ଲିକ କମ୍ପ୍ଲେକ୍ସରେ ଥିବା ୩ ମହଲା କୋଠା, ଗଞ୍ଜାମ ଜିଲ୍ଲା ଆସିକାରେ ଥିବା ମାର୍କେଟ କମ୍ପ୍ଲେକ୍ସ, ପୈତୃକ ବାସଭବନ, ଭଞ୍ଜନଗରରେ ଥିବା ସମ୍ପର୍କୀୟଙ୍କ ଘର, ଭୁବନେଶ୍ବରରେ ଥିବା କାର୍ଯ୍ୟାଳୟରେ ଏକାକଳୀନ ଚଢ଼ାଉ କରାଯାଇଛି । ଭୁବନେଶ୍ବର ଜାଗମରା ମଲ୍ଲିକ କମ୍ପ୍ଲେକ୍ସରେ ଥିବା ୩ ମହଲା କୋଠାରେ ଭିଜିଲାନ୍ସ ଚଢ଼ାଉ ବେଳେ କନିଷ୍ଠ ଯନ୍ତ୍ରୀ ସୁନୀଲ ପାଢ଼ୀ ପଡ଼ୋଶୀ ଛାତକୁ ଡେଇଁ ଫେରାର୍ ହୋଇଯାଇଛନ୍ତି । ଭିଜିଲାନ୍ସର ୬ ଜଣ ଡିଏସପି, ୩ ଇନ୍ସପେକ୍ଟର , ୭ ଜଣ ଏଏସଆଇ ଚଢ଼ାଉରେ ସାମିଲ ଅଛନ୍ତି ।
