ଭୁବନେଶ୍ୱର: ବାତ୍ୟା ଆଶଙ୍କାରେ ବଢ଼ିଛି ଆଳୁ ଦର । ପଶ୍ଚିମବଙ୍ଗର ପରିବହନ ଦର ଅନୁସାରେ ଦର ବୃଦ୍ଧି ପାଏ । ତେବେ ବାତ୍ୟା ଅସାନି ଓଡ଼ିଶାରେ ଲାଣ୍ଡଫଲ କରିବନି । ଯାହା ଫଳରେ ଓଡ଼ିଶାରେ ବିଶେଷ ଭାବରେ କିଛି କ୍ଷୟକ୍ଷତି ହେବ ନାହିଁ । ତେଣୁ ଯଦି ଆଳୁ ଠିକ ଭାବେ ପଶ୍ଚିମବଙ୍ଗରୁ ଆସେ ତେବେ ଦର କମିବ ବୋଲି କହିଛନ୍ତି ଓଡ଼ିଶା ବ୍ୟବସାୟୀ ମହାସଂଘ ମହାସଚିବ ସୁଧାକର ପଣ୍ଡା ।
ବର୍ତ୍ତମାନ ଆଳୁ କୁଇଣ୍ଟାଲ ପିଛା ୧୯୦୦ ଟଙ୍କାରେ ବିକ୍ରି ହେଉଛି। ଯେଉଁ ସବୁ ସ୍ଥାନରେ ଆଳୁ ଓ ପିଆଜ ଚଢ଼ା ଦରରେ ବିକ୍ରି ହେଉଛି ସେହି ସବୁ ସ୍ଥାନରେ ଏନ୍ଫୋର୍ସମେଣ୍ଟ ଟିମକୁ ରେଡ଼ କରିବାକୁ ନିର୍ଦ୍ଦେଶ ଦିଆଯାଇଥିବା କହିଛନ୍ତି ଭୁବନେଶ୍ବର ଅତିରିକ୍ତ ଜିଲ୍ଲାପାଳ । ଆଜି ସନ୍ଧ୍ୟା ସୁଦ୍ଧା ୫ରୁ ୬ଟି ସ୍ଥାନରେ ରେଡ୍ କରି କାର୍ଯ୍ୟାନୁଷ୍ଠାନ ନିଆଯିବ ବୋଲି ସେ କହିଛନ୍ତି ।
