ମୁମ୍ବାଇ: ବି-ଟାଉନର ‘କଣ୍ଟ୍ରୋଭର୍ସି କୁଇନ୍’ ରାକ୍ଷୀ ସାୱନ୍ତ ବର୍ତ୍ତମାନ ତାଙ୍କ ନୂଆ ବୟଫ୍ରେଣ୍ଡକୁ ନେଇ ଚର୍ଚ୍ଚାରେ ଥାନ୍ତି। ଏବେ ସେ ବ୍ୟବସାୟୀ ଆଦିଲ ଖାନ ଦୁରାନୀଙ୍କୁ ଡେଟ କରୁଛନ୍ତି। କିଛି ଦିନ ପୂର୍ବରୁ ଖବର ଆସିଥିଲା ଯେ ଆଦିଲ ରାକ୍ଷୀଙ୍କୁ ଏକ କାର ଗିଫ୍ଟ କରିଥିଲେ। ଆଉ ଏବେ ଦୁବାଇରେ ବିଳାସପୂର୍ଣ୍ଣ ଘର ଉପହାର ଦେଇଛନ୍ତି। ରାକ୍ଷୀ ସାୱନ୍ତ ଏହାର ଏକ ଭିଡିଓ ସୋସିଆଲ ମିଡିଆରେ ଏକ ଭିଡିଓ ପୋଷ୍ଟ କରିଛନ୍ତି । ଯେଉଁଥିରେ ରାକ୍ଷୀ ତାଙ୍କ ଦୁବାଇ ଘର ଭିତରେ ବୁଲି ଦେଖାଉଛନ୍ତି।
View this post on Instagram
ତେବେ ରାକ୍ଷୀ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଏକ ଭିଡିଓ ସେୟାର କରିଛନ୍ତି । ଯାହା୧ ମିନିଟ୍ ୯ସେକେଣ୍ଡ୍ ଭିଡିଓରେ, ତାଙ୍କ ବିଳାସପୂର୍ଣ୍ଣ ଘରର ପ୍ରତ୍ୟେକ କୋଣକୁ ବୁଲିକି ଦେଖାଉଛନ୍ତି। ଭିଡିଓରେ ରାକ୍ଷୀ ଗୋଲାପୀ ରଙ୍ଗର ଶାଢୀ ପିନ୍ଧିଥିବାର ନଜର ଆସିଛନ୍ତି । ଅଭିନେତ୍ରୀ ପ୍ରଥମେ ରୋଷେଇ ଘର ଦେଖାଉଛନ୍ତି । ଏହା ପରେ ସେ ଲିଭିଙ୍ଗ୍ ରୁମ୍, ବେଡରୁମ୍ ଏବଂ ୱାଶରୁମ୍ ଦେଖାଉଥିବାର ନଜର ଆସୁଛନ୍ତି। ବିଳାସପୂର୍ଣ୍ଣ ଘରେ ସବୁକିଛି ଆକର୍ଷଣୀୟ ହୋଇଥିବା ବେଳେ ସମସ୍ତ ଜିନିଷ ଉପସ୍ଥିତ ଅଛି ।
କହିବାକୁ ଗଲେ ରାକ୍ଷୀ ସାୱନ୍ତ ଗତ ମାସରେ ତାଙ୍କ ପ୍ରେମିକା ଆଦିଲ ଖାନ ଦୁରାନୀଙ୍କ ସହ ଛୁଟି କାଟିବାକୁ ଦୁବାଇରେ ଯାଇଥିଲେ । ଏହି ସମୟରେ ‘ଇ-ଟାଇମ୍ସ’ ସହିତ ବାର୍ତ୍ତାଳାପରେ ଅଭିନେତ୍ରୀ ଜଣାଇଥିଲେ ଯେ ତାଙ୍କ ପ୍ରେମିକା ଆଦିଲ ଦୁବାଇରେ ତାଙ୍କ ନାମରେ ଏକ ଆପାର୍ଟମେଣ୍ଟ କିଣିଛନ୍ତି। ।
