ନୂଆଦିଲ୍ଲୀ : ଚିଡିଆଖାନାରେ ଅଜବ ଜନ୍ତୁ । ଦେଖିବାକୁ ଭିନ୍ନ । ରୂପ ବି ପୁରା ଅଲଗା । ଯାହାକୁ ଦେଖି ସମସ୍ତେ ଚକିତ । କିଛି ଏପରି ଘଟିଛି ଆମେରିକାର ଟେକ୍ସାସ ଚିଡିଆଖାନାରେ । ଚିଡିଆଖାନାରେ ଏକ ଅଜବ ଜୀବ ଦୃଶ୍ୟମାନ ହୋଇଛି । ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଯାହାକୁ ଦେଖି ନେଟିଜେନ୍ସ ଆଶ୍ଚର୍ଯ୍ୟ ହେଉଛନ୍ତି । ସିସିଟିଭି କ୍ୟାମେରାର ଏହି ଜୀବର ଫଟୋ କଏଦ ହୋଇଛି ।
ସିସିଟିଭି ଫୁଟେଜରେ ଦେଖାଯାଉଥିବା ଜୀବରଟି ଦୁଇଟି ଗୋଡରେ ଠିଆ ହୋଇଛି । ତାର କାନ ବି ମୁନିଆ ରହିଛି । ଏହା ଚିଡିଆଖାନାର ବାହାରେ ଠିଆ ହୋଇଛି । ତେବେ ଏହା କେଉଁ ଜୀବ ତାହା ଏଯାଏଁ ସ୍ପଷ୍ଟ ହୋଇପାରି ନାହିଁ ।
Chupacabra? Texas zoo authorities seek community help in identifying ‘strange’ creature captured on camera
Read @ANI Story | https://t.co/vy3dP9aITt#Chupacabra #Texaszoo pic.twitter.com/SW6TkIdySW
— ANI Digital (@ani_digital) June 15, 2022
ଫଟୋଟି ମେ ୨୧ ତାରିଖର ଅଟେ । ଏହାକୁ ରାତି ୧ଟା ୨୫ରେ ଉତ୍ତୋଳନ କରାଯାଇଛି । ଏହା ଅମାରିଲୋ ଚିଡିଆଖାନାର ଅଟେ । ଅଜବ ଜୀବଟି ଚିଡିଆଖାନାରେ ବୁଲୁଥିଲା । ଫଟୋଟି ପୁରା ସ୍ପଷ୍ଟ ଦେଖାଯାଉ ନଥିବା ବେଳେ ଏହା ଦୁଇଟି ଗୋଡରେ ଛିଡା ହୋଇଛି ।
ସେହିପରି ସିଟି ଅଫ୍ ଅମାରେଲୀ ଟ୍ୱିଟ୍ କରି କହିଛି ଯେ, ଚିଡିଆଖାନା ବାହାରେ ବୁଲୁଥିବା ଟୋପି ପିନ୍ଧା ବ୍ୟକ୍ତି କିଏ । ଯାହାକୁ ଅନ୍ଧାରରେ କଏଦ କରାଯାଇଛି । ତେବେ କିଛି ଲୋକ ଏହାକୁ ଏଲିଅନ କହୁଥିବା ବେଳେ ଆଉ କିଛି ଛୁପକାବରା କହୁଛନ୍ତି ।
ଏହି ଫଟୋକୁ ଏଏନଆଇ ଡିଜିଟାଲ ସେୟାର କରିଛି । ଏହାସହ କ୍ୟାପ୍ସନରେ ଲେଖାଯାଇଛି ଯେ, ଛୁପକାବରା । ଟେକ୍ସାସ ଚିଡିଆଖାନାରେ ସିସିଟିଭି କ୍ୟାମେରାରେ ଏହା କଏଦ ହୋଇଛି । ଅଜବ ଜୀବକୁ ଚିହ୍ନିବା ପାଇଁ ସମସ୍ତେ ସହଯୋଗ କରନ୍ତୁ ।
