ସମ୍ବଲପୁର: ସମ୍ବଲପୁର ଜୁଜୁମୁରା ଥାନା ଅନ୍ତର୍ଗତ ସମ୍ବଲପୁର-କଟକ ଜାତୀୟ ରାଜପଥ ଆମଲିପାଣି ଛକରେ ଦୁର୍ଘଟଣା । ଅଜଣା ଗାଡି ଧକ୍କାରେ ୮ ଗୋରୁଙ୍କ ମୄତ୍ୟୁ ହୋଇଛି ।
ସୂଚନାଯୋଗ୍ୟ ଯେ, ମଙ୍ଗଳବାର ସକାକୁ ଜାତୀୟ ରାଜପଥ ଆମଲିପାଣି ଛକରେ ୮ ଗୋରୁଙ୍କ ମୄତଦେହ ପଡିଥିବା ଦେଖିବାକୁ ମିଳିଥିଲା । ଏ ନେଇ ସ୍ଥାନୀୟ ଲୋକେ ଜୁଜୁମୁରା ପୋଲିସକୁ ସୂଚନା ଦେଇଥିଲେ । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ତେବେ ସୋମବାର ବିଳମ୍ବିତ ରାତିରେ ଆମଲିପାଣି ଛକରେ ଅଜଣା ଗାଡି ଧକ୍କା ଦେଇଥିବାରୁ ଗାଈଙ୍କର ମୄତ୍ୟୁ ହୋଇଛି ବୋଲି ପୋଲିସ ସୂଚନା ଦେଇଛି । ଏହି ଘଟଣାକୁ ନେଇ ସାଧାରଣରେ ଜନଅସନ୍ତୋଷ ଦେଖାଦେଇଥିଲା । ଘଟଣାସ୍ଥଳରେ ଜୁଜୁମୁରା ପୋଲିସ ଉପସ୍ଥିତରେ ଗୋରୁଙ୍କ ମୄତଦେହ ଜାତୀୟ ରାଜପଥରୁ ହଟାଇ ଦିଆଯାଇଛି । ଏହାସହ ପୋଲିସ ଅଧିକ ତଦନ୍ତ ଜାରି ରଖିଛି ।
