ଫତେପୁର: ଗୋଟିଏ ଅଟୋରୁ ବାହାରିଲେ ୨୭ଜଣ ଲୋକ । ଏଭଳି ଘଟଣା ଘଟିଛି ଉତ୍ତରପ୍ରଦେଶର ଫତେପୁର ଅଞ୍ଚଳର । ଯାହାର ଭିଡ଼ିଓ ମଧ୍ୟ ଭାଇରାଲ୍ ହେବାରେ ଲାଗିଛି । ଭିଡ଼ିଓରେ ପୋଲିସ କର୍ମୀ ଏକ ଅଟୋକୁ ଅଟକାଉଛି । ଆଉ ଗୋଟିଏ ପରେ ଗୋଟିଏ କରି ୨୭ ଜଣ ଲୋକ ଅଟୋରୁ ବାହାରିଥିଲେ । ଯାହାକୁ ଦେଖି ସମସ୍ତେ ଆଶ୍ଚର୍ଯ୍ୟ ହୋଇପଡିଥିଲେ । ଏହି ଲୋକମାନେ ବକରିଦ୍ ପାଇଁ ନମାଜ ପଢିବାକୁ ଯାଇଥିଲେ ।
ଏକ ରିପୋର୍ଟ ଅନୁଯାୟୀ, ଗତ ଜୁଲାଇ ୧୦ ତାରିଖରେ କିଛି ଲୋକ ଅଟୋରେ ଯାଉଥିଲେ । ଗାଡିଟି ଦ୍ରୁତ ଗତିରେ ଚାଲୁଥିବା ଯୋଗୁଁ ପୋଲିସ ଅଟକାଇଥିଲା। ତଥାପି ଡ୍ରାଇଭର ଅଟୋ ନ ଅଟକାଇ ଫେରାର୍ ହେବାକୁ ଚେଷ୍ଟା କରିଥିଲା ବେଳେ ମାଡ଼ି ବସିଥିଲେ ପୋଲିସ କର୍ମୀ।
#WATCH In this auto rickshaw of #Fatehpur, 27 people including the driver had gone to offer prayers for #Bakrid.
One by one the police counted twenty-seven people including children and brought them down.#UttarPradesh pic.twitter.com/CfjPotBsJ0
— KafirOphobia (@socialgreek1) July 10, 2022
ଧିରେଧିରେ ଅଟୋରୁ ଶିଶୁଙ୍କ ଠାରୁ ଆରମ୍ଭ କରି ବୟସ୍କ ବ୍ୟକ୍ତି ବାହାରିଥିଲେ । ଡ୍ରାଇଭର ସମେତ ଏହି ଅଟୋରେ ଥିଲେ ୨୭ ଜଣ । ଯାହା ପରେ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଯାଇ ଅଟୋକୁ ସିଜ୍ କରିଥିଲା ।
ଅଟୋରେ ବସିଥିବା ସବୁ ଲୋକ ମହରହା ଗାଁର ବୋଲି ଜଣାପଡିଛି । ସମସ୍ତେ ବକରିଦ୍ ପାଇଁ ନମାଜ ପଢିବାକୁ ଗାଁକୁ ଯାଉଥିଲେ । ତେବେ ସୋସିଆଲ୍ ମିଡିଆରେ ଭିଡ଼ିଓ ଭାଇରାଲ୍ ହେବା ପରେ ଏତେ ଲୋକ ଗୋଟିଏ ଅଟୋରେ କିଭଳି ବସିଲେ ସେନେଇ ଭିନ୍ନ ଭିନ୍ନ ମତ ପ୍ରକାଶ ପାଉଛି ।
