ବେଜିଂ: ମାତ୍ର ଜଣେ ବ୍ୟକ୍ତି କରୋନାରେ ଆକ୍ରାନ୍ତ ହେବା ପରେ ବଡ଼ ପଦକ୍ଷେପ ନେଇଛନ୍ତି ଚାଇନା ସରକାର। କରୋନା ବିରୋଧରେ ଶୂନ ସହନଶୀଳତା ଅବଲମ୍ବନ କରୁଥିବା ଚାଇନା ଏବେ ଜଣେ ଆକ୍ରାନ୍ତଙ୍କ ପାଇଁ ୩ ଲକ୍ଷ ଲୋକଙ୍କୁ ଲକଡାଉନ ମଧ୍ୟକୁ ଠେଲି ଦେଇଛି। ଲକଡାଉନ ଲାଗୁ ହୋଇଥିବାରୁ ଲୋକଙ୍କୁ ଘରୁ ବାହାରିବା ପାଇଁ ବାରଣ କରାଯାଇଛି। ଏଥିସହ ଆକ୍ରାନ୍ତ ଚିହ୍ନଟ ହୋଇଥିବା ସହରରେ ଟେଷ୍ଟିଂକୁ ଜୋରଦାର କରାଯାଇଛି।
ଏଠାରେ ରହୁଥିବା ସବୁ ଲୋକଙ୍କୁ କରୋନା ଟେଷ୍ଟ କରିବାକୁ କୁହାଯାଇଛି। ଟେଷ୍ଟିଂ ଶେଷ ନ ହେବା ଯାଏ କେହି ବି ଘରୁ ବାହାରି ପାରିବେ ନାହିଁ। ଜରୁରୀ ସାମଗ୍ରୀ ପାଇଁ ଘରର ଜଣେ ବ୍ୟକ୍ତି ହିଁ ବାହାରକୁ ଆସିପାରିବେ ବୋଲି ସ୍ଥାନୀୟ ପ୍ରଶାସନ ପକ୍ଷରୁ କୁହାଯାଇଛି।
