ମୁମ୍ୱାଇ: ସାଉଥ ସୁପରଷ୍ଟାର ଅଲ୍ଲୁ ଅର୍ଜୁନଙ୍କ ଫ୍ୟାନ ଫଲୋଅର ଅଧିକ । କିନ୍ତୁ ସୁପରହିଟ୍ ଫିଲ୍ମ ‘ପୁଷ୍ପା ପରେ ବଢିଯାଇଛି ତାଙ୍କର ଡିମାଣ୍ଡ । ଖାସ୍ କରି ହିନ୍ଦୀ ଦର୍ଶକଙ୍କ ପ୍ରଥମ ପସନ୍ଦ ପାଲଟିଯାଇଛନ୍ତି । ପୁଷ୍ପାରେ ରାଉଡୀ ଅନ୍ଦାଜକୁ ଖୁବ ପସନ୍ଦ କରିଥିଲେ ଦର୍ଶକ । ପୁଷ୍ପାର ହିନ୍ଦୀ ଭର୍ସନ ବକ୍ସ ଅଫିସରେ ୧୦୦ କୋଟି କଲେକ୍ସନ କରିଥିଲା ।
ଏହାରି ଭିତରେ ଅଲ୍ଲୁ ଅର୍ଜୁନ ତାଙ୍କର ଲାଟେଷ୍ଟ ସାକ୍ଷାତକାରରେ କହିଛନ୍ତି ଏମିତି କିଛି । ଯେଉଥିରୁ ଜଣାପଡିଛି ସେ ବଲିଉଡରେ କାମ କରିବାକୁ ମନ ବଳାଇଲେଣି । ସାକ୍ଷାତକାରରେ ପଚରାଯଇଥିଲା ବଲିଉଡରେ କାମ କରିବାକୁ ପସନ୍ଦ କରନ୍ତି କି ?
ଏମିତି ଜବାବ ରଖିଥିଲେ ଅର୍ଜୁନ:
ସାକ୍ଷାତକାରରେ ଅଲ୍ଲୁ ଅର୍ଜୁନ କହିଛନ୍ତି ବଲିଉଡରେ ଅଭିନୟ କରିବାକୁ ସେ ଇଚ୍ଛୁକ ଅଛନ୍ତି । ହିନ୍ଦୀରେ ଅଭିନୟ କରିବା ମୋ କମ୍ଫର୍ଟ ଜୋନ ବାହାରେ । କିନ୍ତୁ ଯଦି ଚାନ୍ସ ମିଳେ ତେବେ ଏହାକୁ ହାତଛଡା କରିବିନି । ଆଶ୍ଚର୍ଯ୍ୟକର ବିଷୟ ହେଉଛି କି ଅଲ୍ଲୁ ଅର୍ଜୁନଙ୍କ ପାଖରେ ମୁମ୍ୱାଇରେ ବି ଘର ରହିଛି । ଯଦି ସେ ଚାହିଁବେ ସେଠାରେ ରହି ହିନ୍ଦୀ ଫିଲ୍ମ କରିପାରିବେ ।
ସୂଚନା ଥାଉକି ଫିଲ୍ମ ପୁଷ୍ପାରେ ରେକର୍ଡ ବ୍ରେକ ଇନକମ୍ ପରେ ଅଲ୍ଲୁ ଅର୍ଜୁନଙ୍କୁ ସାରା ଦେଶରେ ପ୍ରଶଂସା କରାଯଉଛି । ଏମିତିକି ଅନେକ ସ୍ଥାନରେ ତାଙ୍କ ଷ୍ଟାଇଲରେ ଘଟଣା ଘଟିଥିବା ନଜର ରହିଛି । ସେ ପୋଲିସ ହେୁ ଅବା ଚୋର । ସବୁଠି ଦେଖିବାକୁ ମିଳିଛି ପୁଷ୍ପା କ୍ରେଜ୍ । ତାଙ୍କର ଅନେକ ଅନ୍ଦାଜକୁ ବି ଲୋକେ କପି କରିବାକୁ ପଛାଇନଥିଲେ ।
