ରାଜସ୍ଥାନ ମୁଖ୍ୟମନ୍ତ୍ରୀଙ୍କ ଉପରେ ଟିପ୍ପଣୀକୁ ନେଇ ଆକ୍ରମଣର ଶିକାର ହେଲେ ରାଜ୍ୟ ବିଜେପି ମୁଖ୍ୟ ସତୀଶ ପୁନିଆ । ମୁଖ୍ୟମନ୍ତ୍ରୀ ଅଶୋକ ଗେହଲଟ୍ଙ୍କୁ ବିଜେପିର ଜଣେ ବଡ଼ ଷ୍ଟାର୍ ପ୍ରଚାରକ କହିବା ପରେ ସିରୋହିର ସ୍ୱାଧୀନ ବିଧାୟକ ସାନ୍ୟାମ ଲୋଧା ତାଙ୍କ କଡ଼ା ସମାଲୋଚନା କରିଛନ୍ତି । ଶୁକ୍ରବାର ସତୀଶ ପୁନିଆ ଗେହଲଟ୍ ସରକାର ରାଜ୍ୟରେ କରିଥିବା ସମସ୍ତ କାର୍ଯ୍ୟକୁ ପ୍ରଶଂସା କରିଥିଲେ । ଏଥିପାଇଁ ସେ ମୁଖ୍ୟମନ୍ତ୍ରୀ ଅଶୋକ ଗେହଲଟ୍ଙ୍କୁ ଧନ୍ୟବାଦ ଦେବା ସହ ଆକ୍ଷେପ ବି କରିଥିଲେ । ଗେହଲଟ୍ ପ୍ରଶଂସାର ଯୋଗ୍ୟ କିନ୍ତୁ ସେ ବିଜେପିର ଜଣେ ବଡ଼ ଷ୍ଟାର ପ୍ରଚାରକ ବୋଲି ପୁନିଆ କହିଥିଲେ । ସେ କଂଗ୍ରେସ ମୁକ୍ତ ଭାରତ ପାଇଁ ପ୍ରଚାର କରୁଥିବା କହିଛନ୍ତି । ଅଶୋକ କଂଗ୍ରେସ ପାଇଁ ମୋଗଲ୍ ସମ୍ରାଟ ବାହାଦୂର ଶାହ ଜାଫର ବୋଲି ଆକ୍ଷେପ କରିଥିଲେ ପୁନିଆ । ଏଥିପାଇଁ ସେ ତାଙ୍କୁ ପସନ୍ଦ କରନ୍ତି ବୋଲି କହିଥିଲେ । ଏହାର ଉତ୍ତରରେ ଲୋଧା ବିଜେପି ସଭାପତି ନିର୍ବାଚନ ହାରିଥିବା ନେଇ କହିଥିଲେ । ସେ କହିଥିଲେ ପୁନିଆ ଦୁଇ ଦୁଇଥର ନିର୍ବାଚନ ହାରିବା ପରେ ପ୍ରଥମ କରି ଜିତିଛନ୍ତି । ଏଥିସହ ସେ ତାଙ୍କୁ ଉକ୍ତ ଆସନରୁ ପୁଣିଥରେ ଲଢ଼ିବାକୁ ଚ୍ୟାଲେଞ୍ଜ କରିଥିବା ବେଳେ ଦେଶରେ କଂଗ୍ରେସର ସ୍ଥିତିକୁ ପରଖିନେବାକୁ କହିଛନ୍ତି ।
