ମଙ୍କିପକ୍ସ ମୁକାବିଲା ପାଇଁ ପ୍ରସ୍ତୁତ ହେଉଛି ମାଷ୍ଟରପ୍ଲାନ୍ । ରାଜଧାନୀ ଦିଲ୍ଲୀ ଓ କେରଳରେ ସଂକ୍ରମିତଙ୍କ ସଂଖ୍ୟା ବୃଦ୍ଧି ପରେ ସ୍ଥିତି ନେଇ ସମୀକ୍ଷା କରୁଛି କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ । ଉଚ୍ଚସ୍ତରୀୟ ବୈଠକରେ ଏନସିଡିସି ଓ WHOର ସ୍ୱାସ୍ଥ୍ୟ ବିଶେଷଜ୍ଞ ସାମିଲ ହୋଇଛନ୍ତି । ଗତକାଲି ରାଜଧାନୀ ଦିଲ୍ଲୀରୁ ଆଉ ଜଣେ ନୂଆ ଆକ୍ରାନ୍ତ ଚିହ୍ନଟ ପରେ ଦେଶରେ ମୋଟ ସଂକ୍ରମିତଙ୍କ ସଂଖ୍ୟା ୯ରେ ପହଞ୍ଚିଛି । ଚିହ୍ନଟ ହୋଇଥିବା ୩୧ ବର୍ଷୀୟ ସଂକ୍ରମିତଙ୍କର କୌଣସି ଟ୍ରାଭେଲ୍ ହିଷ୍ଟ୍ରି ନାହିଁ । ଯାହା ଚିନ୍ତା ବଢାଇଛି । ସେପଟେ କେରଳରେ ମଧ୍ୟ ସଂକ୍ରମିତ ସଂଖ୍ୟା ବଢ଼ିଛି । ବିଭିନ୍ନ ହସ୍ପିଟାଲରେ ଏଥିପାଇଁ ସ୍ୱତନ୍ତ୍ର ଓ୍ୱାର୍ଡ ବ୍ୟବସ୍ଥା କରାଯାଇଛି । ଭାରତ ସମେତ ଅନ୍ୟ ରାଷ୍ଟ୍ରରେ ବି ମଙ୍କିପକ୍ସ ଆକ୍ରାନ୍ତଙ୍କ ସଂଖ୍ୟା ବଢ଼ିବାରେ ଲାଗିଛି ।
