() ଗତ 3 ଦଶନ୍ଧି ଧରି ବଲିଉଡରେ ରାଜ କରୁଛନ୍ତି ଅଭିନେତା ଅକ୍ଷୟ କୁମାର। କେବେ କଲେଜ ଛାତ୍ର ତ ଆଉ କେବେ ଜଣେ ନିହାତି ଅଭାବୀ ସଂଘର୍ଷରତ ସାଧାରଣ ମଣିଷ, କେତେବେଳେ ଜଣେ ଯବାନ, ଜଣେ କର୍ତ୍ତବ୍ୟନିଷ୍ଠ ପୋଲିସ, ଆଉ କେତେବେଳେ ଜଣେ କମେଡି କିଙ୍ଗ୍ ଅବା ଖଳନାୟକ…. ପରଦାରେ ଏ ସବୁ ଚରିତ୍ରକୁ ସେ ନିଖୁଣ ଭାବେ ପରିଷ୍ପୁଟ କରିଛନ୍ତି ନିଜ ଅଭିନୟ ଚାତୁରୀ ଜରିଆରେ ।
30 years of cinema, a lifetime filled with your love! Thank you for this amazing journey and thank you @yrf for piecing it together so beautifully with #Prithviraj, releasing in cinemas on 3rd June. https://t.co/nEpxCkPSq3
— Akshay Kumar (@akshaykumar) May 4, 2022
ଅକ୍ଷୟ କୁମାର ଏକାଧାରାରେ ଜଣେ ସୁଦକ୍ଷ ମାର୍ସଲ୍ ଆର୍ଟ ଖେଳାଳି ଓ ଜଣେ ଭଲ ଖାନସାମା (ସେଫ୍) ଆଉ ଜଣେ ସଫଳ ଅଭିନେତା । ସେଥିପାଇଁ ତ ପରଦାରେ ସେ କେବେ ବି ଅଭିନୟ କରିବା ପରି ମନେହୁଏନି । ସେଇ ବହୁମୁଖୀ ପ୍ରତିଭା କାରଣରୁ ହିଁ ସେ ବଲିଉଡ୍ ରେ ଗତ 3 ଦଶନ୍ଧୀ ଧରି ଅପ୍ରତିଦ୍ବନ୍ଦ୍ବୀ ହୋଇ ରହିଛନ୍ତି । ଅନେକ ନୂଆ କଳାକାର ଆସିଛନ୍ତି ଆଉ ଆସୁଛନ୍ତି ହେଲେ ଅକ୍କିଙ୍କ ଯାଦୁ ପୂରା ନିଆରା ।
ସହ-କଳାକାର ଅକ୍କିଙ୍କ ଏହି ସଫଳତା ପାଇଁ ଟ୍ବିଟ୍ କରି ବିଶେଷ ଶୁଭକାମନା ଜଣାଇଛନ୍ତି ତାଙ୍କ ପ୍ରିୟ ବନ୍ଧୁ ଅଜୟ ଦେବଗନ୍ । ଅଜୟ ଦେବଗନ୍ ତାଙ୍କ ଅଫିସିଆଲ୍ ଟ୍ୱିଟରରେ ଟ୍ୱିଟ୍ କରି ସେୟାର କହିଛନ୍ତି ଯେ, “ଅଭିନନ୍ଦନ ଆକ୍କି । ସିନେମାରେ 30 ବର୍ଷ ଏବଂ ଆହୁରି ଅନେକ ଦଶନ୍ଧି ଆସିବ। ଆଶା କରୁଛି ଆପଣ ନୂତନ ରେକର୍ଡ ସ୍ଥାପନ କରିବେ ।
Congratulations Akki. 30 years in cinema and several more decades to come. Hope you set new records. Will always be there rooting & cheering for you 👏@akshaykumar pic.twitter.com/H4gOyNh6Qr
— Ajay Devgn (@ajaydevgn) May 5, 2022
ଏହାର ଉତ୍ତରରେ ଅକ୍ଷୟ କୁମାର ଲେଖିଛନ୍ତି, ଅଜୟ ଧନ୍ୟବାଦ, ଆପଣଙ୍କ ପରି ଜଣେ ସାଥୀ ହେବା ଅତ୍ୟନ୍ତ ଆଶ୍ଚର୍ଯ୍ୟଜନକ ଅଟେ। ତୁମର ଜୀବନ ପ୍ରେମରେ ପରିପୂର୍ଣ୍ଣ । ଫିଲ୍ମ କ୍ୟାରିଅରରେ ଏହି ମାଇଲଷ୍ଟୋନ୍ ଅବସରରେ ଅକ୍ଷୟକୁମାର ତାଙ୍କର ଆଗାମୀ ଚଳଚ୍ଚିତ୍ର ପୃଥ୍ବୀରାଜର ରିଲିଜ୍ ତାରିଖ ସେୟାର କରିଛନ୍ତି ।
Thank you brother, lucky to have supportive peers like you 🙏🏻 Much love ❤️
— Akshay Kumar (@akshaykumar) May 5, 2022
