ଦେବଗଡ଼, ୧୯/୦୮/୨୦୨୨- ବିଦ୍ୟାଳୟରେ ହେଲା ବଜ୍ରପାତ । ଦେବଗଡ଼ ଜିଲ୍ଲା ତିଲେଇବଣି ବ୍ଲକ କୁଟୁରାପଶି ଉଚ୍ଚ ପ୍ରାଥମିକ ବିଦ୍ୟାଳୟ ଉପରେ ପାଠପଢ଼ା ଚାଲିଥିବାବେଳେ ଶୁକ୍ରବାର ମଧ୍ୟାହ୍ମ ସମୟରେ ହଠାତ୍ ବଜ୍ରପାତ ହୋଇଥିଲା । ଫଳରେ ୧୦ରୁ ଅଧିକ ଛାତ୍ରଛାତ୍ରୀ ଆହତ ହୋଇଥିବା ବେଳେ ୪ ଜଣ ଗୁରୁତର ଆହତ ହୋଇଛନ୍ତି । ଗୁରୁତର ଅବସ୍ଥାରେ ଛାତ୍ରଛାତ୍ରୀମାନଙ୍କୁ ମେଡିକାଲରେ ଭର୍ତ୍ତି କରାଯାଇଛି । ଏହି ବଜ୍ରପାତ ଯୋଗୁ ବିଦ୍ୟାଳୟର ସମସ୍ତ ବିଦ୍ୟୁତ ଉପକରଣ ପୋଡିଯିବା ସହ ଚଟାଣ ଫାଟି ଯାଇଥିଲା । ଖବର ପ୍ରଚାରିତ ହେବା ପରେ ବିଦ୍ୟାଳୟରେ ସଙ୍ଗେସଙ୍ଗେ ଅଭିଭାବକ ଏବଂ ଗ୍ରାମବାସୀ ମାନଙ୍କ ଭିଡ ଜମିଥିଲା ।
